Windows 8 ລະບົບປະຕິບັດການຂອງໄມໂຄຣຊອຟທ໌ຮຸ່ນຫລ້າສຸດ ພ້ອມສ່ວນຕິດຕໍ່ກັບຜູ້ໃຊ້ໃນແບບ ທີ່ລຽບງ່າຍ ແລະ ສະດວກຕໍ່ການນຳໃຊ້ Modern UI ແຕ່ເນື່ອງຈາກ Windows 8 ເນັ້ນການນຳໃຊ້ຮ່ວມກັບແທັບເລັດເປັນສ່ວນໃຫຍ່ ເຮັດໃຫ້ຜູ້ໃຊ້ພີຊີ ແລະ ໂນດບຸກຈຳເປັນຕ້ອງປັບຕົວຕາມຮູບແບບຂອງ Windows 8ທີ່ປ່ຽນໄປຈົນອາດເກີດອຸປະສັກໃນການໃຊ້ວຽກໄດ້ ດັ່ງນັ້ນ ເພື່ອຫລຸດບັນຫາດັ່ງກ່າວການໃຊ້ ຈິ່ງເປັນທາງເລືອກທີ່ຊ່ວຍທ່ານໄດ້.
Leap Motion ເປັນອຸປະກອນສຳລັບສັ່ງວຽກຄອມພິວເຕີແບບໃຫມ່ຜ່ານການເຮັດວຽກໃນເຕັກໂນໂລຊີ Motion Sensorຫລື ເຊັນເຊີຈັບການເຄື່ອນໄຫວທີ່ຈະແປງສັນຍານຄວາມເຄື່ອນໄຫວໃນອາກາດເຊັ່ນ ການກາງ-ຫຸບນິ້ວມື ເພື່ອຊູມເຂົ້າ-ຊູມອອກ ການປັບມືຂຶ້ນລົງເພື່ອເລື່ອນຫນ້າຈໍໃຫ້ກາຍເປັນຄຳສັ່ງທີ່ສົ່ງຕໍ່ໄປຄວບຄຸມການເຮັດວຽກຂອງແອບພລິເຄເຊິນໃນຄອມພິວເຕີທີ່ມຄວາມແນ່ນອນບໍ່ຕ່າງຈາກເມົາສ໌ ເຊິ່ງຫລ້າສຸດມີການທົດສອບ Leap Motion ກັບ Windows 8 ເທິງຫນ້າຈໍທີ່ບໍ່ແມ່ນຈໍສຳຜັດ ຫລື ທັດສກຣິນ ຜົນທີ່ອອກມາສະແດງໃຫ້ເຫັນເຖິງຄວາມສະດວກຍິ່ງຂຶ້ນສຳລັບຜູ້ໃຊ້ພີຊີ ແລະ ໂນດບຸກສາມາດສ້າງສັງຜົນງານດ້ານກຣາຟິກໄດ້ຢ່າງມີປະສິດທິພາບ ບັນຍາຍໄປຂະຫນາດນີ້ແລ້ວລອງເຂົ້າໄປຊົມຄລິບວິດີໂອໄດ້ທີ່ເວັບໄຊຢູທູບ http://www.youtube.com/watch?feature=player_embedded&v=21LtA5-wiwU
ສຳລັບກຳນົດການສົ່ງ Leap Motion ໃຫ້ແກ່ຜູ້ສັ່ງຊື້ຊຸດທຳອິດຈະເລີ່ມຕົ້ນຕັ້ງແຕ່ວັນທີ 22 ກໍລະກົດນີ້ເປັນຕົ້ນໄປ ໃນລາຄາຂາຍຍ່ອຍຢູ່ທີ່ 80$ (ສະຫະລັດອາເມລິກາ).
