ເປີດຕົວຢ່າງເປັນທາງການແລ້ວ ສໍາລັບ EOS 70D ກ້ອງ DSLR ຮຸ່ນໃໝ່ຫຼ້າສຸດຈາກ Canonໂດຍເສີມປະສິດທິພາບເໜືອລະດັບທັງການຖ່າຍພາບ, ວິດີໂອ ແລະ ໂດດເດັ່ນດ້ວຍລະບົບໂຟກັສ Dual Pixel CMOS AF ໃໝ່ທີ່ເປັນແບບ 19 ຈຸດ ພ້ອມຊິບປະມວນຜົນຮຸ່ນໃໝ່ຫຼ້າສຸດ DiGiC 5+.
ບໍລິສັດແຄນນອນ ອິງຄ໌ ຜູ້ຜະ ລິດກ້ອງລະດັບແຖວໜ້າຂອງໂລກປະກາດເປີດຕົວກ້ອງດິຈິຕອລ ດີເອັສແອລອາ (DSLR)ຮຸ່ນໃໝ່ນັ້ນກໍ່ຄື EOS 70D ມາເປັນຕົວແທນຮຸ່ນເດີມ EOS 60D ທີ່ເປີດຕົວມາຕັ້ງແຕ່ປີ 2 ປີຜ່ານມາ ໂດຍມີການນໍາເອົາເຕັກໂນໂລຊີໃໝ່ທີ່ພັດທະນາຂຶ້ນມາໃຊ້ເປັນຕົ້ນແມ່ນ Dual Pixel CMOS AF ທີ່ພັດທະນາມາເພື່ອການໂຟກັສ (Forcus) ທີ່ວ່ອງໄວ, ແມ້ນຢໍາ ທັງຖ່າຍພາບທໍາມະດາ, ວິດີໂອ ເຖິງວ່າຈະຢູ່ໃນໂໝດການເຮັດ ວຽກແບບ Live View, ລະບົບໂຟກັສແບບ 19 ຈຸດ All Cross Type ເພີ່ມຈາກຮຸ່ນເກົ່າທີ່ເປັນແບບ 9 ຈຸດ ຄວາມລະອຽດຂອງເຊັນເຊີ 20,2 ລ້ານພິກເຊລ, ຊິບປະມວນຜົນ DiGiC 5+ ເຮັດໃຫ້ການເຮັດວຽກວ່ອງໄວຂຶ້ນ ແລະ ຮອງຮັບການເຊື່ອມຕໍ່ Wi-Fi ຄື ກັນກັບກ້ອງຮຸ່ນ EOS 6D.
ທາງດ້ານຫນ້າຈໍສະແດງຜົນຈະມີຂະຫນາດ 3 ນິ້ວ ລະບົບສໍາຜັດ ແລະ ປັບໝຸນພັບໄດ້, ຊ່ອງມອງພາບ (View Finder) ສະແດງພາບຫຼາຍຂຶ້ນເປັນ 98% ແຕ່ຍັງຄົງກໍາລັງຂະຫຍາຍເທົ່າທີ່ 0,95 ເທົ່າ, ສາມາດຖ່າຍພາບແບບຕໍ່ເນື່ອງທີ່ມີຄວາມລະອຽດສູງສຸດໄດ້ 7 ພາບຕໍ່ວິນາທີ, ສາມາດເລ່ງ ISO ໄດ້ຕັ້ງແຕ່ 100-12800 ແລະ ຮອງຮັບການຖ່າຍພາບວິດີໂອທີ່ຄວາມລະອຽດສູງສຸດທີ່ 1080p 29,97 ເຟຣມຕໍ່ວິນາທີ ລວມເຖິງຟັງເຊິນການຖ່າຍພາບແບບ HDR ເຊັ່ນດຽວກັບ EOS 5D Mk.3
ສຳລັບລາຄາເປີດຕົວຂອງ Canon ຮຸ່ນ EOS 70D ຖືເປັນກ້ອງ DSLR ລະດັບກາງທີ່ອອກແບບມາສໍາລັບຜູ້ໃຊ້ສະຫມັກຫຼິ້ນໄປເຖິງມືອາຊີບສະເພາະຕົວກ້ອງ (body) ຢ່າງດຽວແມ່ນຢູ່ທີ່ 1.199 ໂດລາສະຫະລັດ ໂດຍເປີດຕົວພ້ອມກັບເລນສ໌ຄິທ EF-S18-135 F3.5-5.6 ແລະ EF-S 18-55mm f/3.5-5.6 IS STM.
