ຫລັງຈາກ Nokia ປ່ອຍຮູບພາບບາງສ່ວນເມື່ອວັນຈັນຂອງມືຖືຮຸ່ນໃຫມ່ອອກມາ ແລ້ວບອກພຽງວ່າໃຫ້ຖ້າເບິ່ງໃນວັນພຸດທີ 24 ເມສາ 2013 ໃນທີ່ສຸດໂນເກຍ (Nokia) ກໍ່ໄດ້ເຜີຍໂສມໃຫ້ເຫັນກັນແລ້ວ ນັ້ນກໍ່ຄື Nokia Asha 210.
ຫລ້າສຸດ ໂນເກຍປະກາດເປີດຕົວ Asha 210 ມືຖືລາຄາຖືກໃສນລະບົບ 2G ທີ່ມີໃຫ້ເລືອກເຖິງ 5 ສີໄດ້ແກ່ສີເຫລືອງ, ຂາວ, ດຳ, ຟ້າ ແລະ ແດງ; ສິ່ງທີ່ Asha 210 ໄດ້ນຳສະເຫນີຄວາມເປັນເອກະລັກຄືປຸ່ມແບບ QWERTY ຜູ້ໃຊ້ BlackBerry ອາດຈະຄຸ້ນເຄີຍເປັນຢ່າງດີ ແຕ່ທີ່ໂດດເດັ່ນທີ່ສຸດເທິງອຸປະກອນຮຸ່ນນີ້ຄືການມີປຸ່ມ “Whatsapp” ໃນຕົວ ເຊິ່ງໂນເກຍອະທິບາຍປຸ່ມ Whatsapp ເປັນຮາດແວຣ໌ຂອງ Asha 210 “ຄັ້ງທຳອິດຂອງໂລກ” ສະຫນັບສະຫນູນການໃຊ້ບໍລິການສົ່ງຂໍ້ຄວາມທີ່ມີຜູ້ໃຊ້ຫລາຍກວ່າ 200 ລ້ານຄົນທົ່ວໂລກ, ໂນເກຍອະທິບາຍຕື່ມວ່າ ຜູ້ທີ່ຊື້ Asha 210 ເມື່ອກົດປຸ່ມ Whatsapp ຈະສາມາດສະຫມັກບໍລິການໄດ້ລ້າ ແລະ ຈະໃຊ້ລ້າໃນປີທຳອິດ ໂດຍຫລັງຈາກນັ້ນຈະເສຍຄ່າທຳນຽມເປັນລາຍປີໃນລາຄາ 0,99 ໂດລາ ຕາມນະໂຍບາຍຂອງ Whatsapp.
ສຳລັບສະເປັກ Nokia Asha 210 ຈະມາພ້ອມກັບຫນ້າຈໍ 2,4 ນິ້ວ ຄວາມລະອຽດ 320 x 240 ພິກເຊລ, ກ້ອງຫລັງ 2 ລ້ານພິກເຊລ, ຫນ່ວຍຄວາມຈຳພາຍໃນ 64MB ສະຫນັບສະຫນູນ Wi-Fi ມີລາຄາຢູ່ທີ່ 72 ໂດລາສະຫະລັດ.
