Canon ເຜີຍໂສມ EOS 100D ໃຫມ່ ກ້ອງ DSLR ທີ່ນ້ອຍ ແລະ ເບົາທີ່ສຸດໃນໂລກ
ກະແສກ້ອງຕົວນ້ອຍແຕ່ມີລິດຫລາຍໄດ້ເກາະກຸ່ມຕະຫລາດກ້ອງມາຫລາຍປີ ໂດຍສະເພາະກະແສຂອງກ້ອງແບບ Mirrorless (ກ້ອງປ່ຽນເລນສ໌ໄດ້ທີ່ບໍ່ແມ່ນກ້ອງ DSLR) ທີ່ມາແຮງຫລາຍໃນ 2-3 ປີຫລັງ ເຊິ່ງເຖິງວ່າຈະມີຂໍ້ດີຫລາຍປະການແຕ່ຈຸດອ່ອນທີ່ສໍາຄັນທີ່ສຸດສໍາລັບກ້ອງແບບ Mirrorless ໂດຍທົ່ວໄປກໍ່ຄືການທີ່ຕ້ອງຖ່າຍພາບດ້ວຍການເບິ່ງຈໍພາບດ້ານຫລັງກ້ອນພຽງຢ່າງດຽວເຮັດໃຫ້ການຖ່າຍພາບໃນບ່ອນແສງແດດກ້າໆບ່ອນທີ່ສະຫວ່າງຫລາຍໆບໍ່ດີ ເພາະເຮົາຈະເບິ່ງພາບໃນຫນ້າຈໍບໍ່ຄ່ອຍເຫັນ ແຕ່ຜິດກັບກ້ອງ DSLR ທີ່ເຮົາເບິ່ງພາບຈາກຊ່ອງມອງພາບເປັນຫລັກ ຈິ່ງບໍ່ມີບັນຫາຫຍັງເວລາໃຊ້ວຽກກາງແຈ້ງກາງແດດແຮງໆນີ້ຄືຈຸດແຂງທີ່ສໍາຄັນຂອງກ້ອງແບບ DSLR ແລະ ເມື່ອເວົ້າເຖິງກ້ອງແບບ DSLR ຜູ້ນໍາຂອງກ້ອງແບບນີ້ກໍ່ຄື Canon ນັ້ນເອງ.
ການທີ່ແຄນອນ (Canon) ເຫັນຈຸດແຂງຂອງຕົນເອງໃນຕະຫລາດກ້ອງ DSLR ແລະ ການປີ້ນເບິ່ງຈຸດອ່ອນຄູ່ແຂ່ງໃນຕະຫລາດກ້ອງແບບ Mirrorless ທີ່ມີຫລາຍຄ້າຍລົງມາຢ່າງເຕັມຕົວເຖິງວ່າທາງ Canon ເອງກໍ່ມີກ້ອງແບບ Mirrorless ມາເຈາະຕະຫລາດກັບເຂົາຢູ່ຄືກັນ ເຊັ່ນ EOS M ແຕ່ເພື່ອຄວາມແນ່ນອນວິໄສທັດທີ່ກວ້າງໄກ Canon ຈິ່ງອອກຫມັດເດັດຕາມມາໃນ ສິ່ງທີ່ຕົນເອງຖະຫນັດທີ່ສຸດຄືກ້ອງ DSLR ຕົວນ້ອຍແບບຊົກເຂົ້າ ປາຍຄາງຄູ່ແຂ່ງແບບເນັ້ນໆໄປທີ່ Mirrorless ເປັນຫລັກໃຫ້ຄູ່ແຂ່ງ ທີ່ມີ Mirrorless ຫລາຍໆຕ້ອງຫນ້າຫງາຍແດ່ຄືກັນ, ຫມັດເດັດທີ່ ກ່າວເຖິງນີ້ກໍ່ຄື Canon EOS100D ກ້ອງ DSLR ນ້ອຍຕົວຫລ້າສຸດຈາກ Canon ທີ່ຄ້າຍຄືວ່າຈະອອກມາຕອບໂຈດຄົນທີ່ມັກ ກ້ອງນ້ອຍໆເຊັນເຊີໃຫຍ່ໆຖ່າຍຄົມຕື້ນໄດ້ຄຸນະພາບດີ ແຕ່ລັກເບື່ອຫນ່າຍກັບການຖ່າຍດ້ວຍກ້ອງ Mirrorless ໃນບ່ອນແດດກ້າໆທີ່ເບິ່ງຫຍັງເທິງຫນ້າຈໍບໍ່ຄ່ອຍຈະເຫັນເລີຍ ສະນັ້ນກໍ່ບໍ່ຕ້ອງໃຊ້ Mirrorless ໃຊ້ DSLR ຕໍ່ໄປ ແຕ່ Canon ເຮັດ EOS 100D ກ້ອງ DSLR ຕົວນ້ອຍເທົ່າກັບ Mirrorlessມາໃຫ້ໃຊ້ກັນແລ້ວ.
ຮູບຮ່າງລັກສະນະພາຍນອກ
ມາເບິ່ງເລື່ອງການອອກແບບ ແລະ ການວາງປຸ່ມຕ່າງໆຂອງ ກ້ອງ Canon EOS 100D ກັນດີກວ່າເລີ່ມຈາກການອອກແບບຍັງຄົງຄວາມເປັນແຄນອນໂຫມດການຖ່າຍພາບທີ່ເປັນແປ້ນຫມຸນນັ້ນໃຫ້ມາຄົບມີຮອທຊູແຟລດມາດຕະຖານທີ່ສໍາຄັນອີກອັນຫນຶ່ງກໍ່ຄືສະວິດເລື່ອນໂຫມດຖ່າຍວິດີໂອເອົາໄວ້ໃຊ້ວຽກ Live View ໄດ້.
ດ້ານຫລັງຕົວກ້ອງລຽບງ່າຍສະບາຍຕາປຸ່ມຕັ້ງຄ່າກ້ອງຕ່າງໆມີສະເພາະອັນສໍາຄັນໆ ດັ່ງນັ້ນ ບາງເມນູນອາດຈະຕ້ອງເຂົ້າໄປຊອກຫາໃນເມນູດ້ານໃນອີກເທື່ອຫນຶ່ງເຮັດໃຫ້ບໍ່ເຫມາະສໍາລັບມືອາຊີບທີ່ຕ້ອງການປຸ່ມກົດຫລາຍໆໄວ້ເຮັດວຽກແບບວ່ອງໄວ ເພາະເນັ້ນປຸ່ມຫນ້ອຍຊອກຫາງ່າຍສໍາລັບມື ໃຫມ່ ຫລື ຄົນທີ່ຢາກໄດ້ກ້ອງສໍາລັບຖ່າຍພາບວັນພັກຜ່ອນຫລາຍກວ່າ.
ບໍລິເວນບ່ອນຈັບເປັນການອອກແບບໃຫມ່ຊ່ວຍເພີ່ມຄວາມກະທັດໃນການຈັບຖື ແຕ່ຄືທີ່ກ່າວ ໄປແລ້ວວ່າກ້ອງມັນນ້ອຍຄົນມືໃຫຍ່ທີ່ຄຸ້ນເຄີຍກັບກ້ອງທີ່ຈັບແບບເຕັມໄມ້ເຕັມມືມາເຈິຕົວນີ້ອາດບໍ່ມັກກໍ່ເປັນໄດ້ ແຕ່ຖ້າຄິດເຖິງເລື່ອງຄວາມເບົາຄວາມນ້ອຄວາມສະດວກໃນການຖ່າຍພາບບໍ່ແມ່ນເອົາມາເປັນພາລະທີ່ຕ້ອງແບກຕ້ອງຍົກໃຫ້ Canon EOS 100D ຕົວນີ້ໄປເລີຍ, ສ່ວນຜອດການເຊື່ອມຕໍ່ກໍ່ມີໃຫ້ມາແນ່ນອນ ທັງຜອດ HDMI, ໄມໂຄຣຊອຟທ໌, ຣີໂຫມດ, ຊ່ອງ AV out ແລະ USB.
ຄຸນສົມບັດການດ້ານຖ່າຍ ພາບຕ່າງໆ
- ມີຂະຫນາດເຊັນເຊີເປັນແບບ APS-C (22.3mm x 14.9mm) ຄວາມລະອຽດ 18ລ້ານພິກເຊລຕົວຄູນທີ່ 1.6x ເມື່ອທຽບກັບຂະຫນາດຟິມລຂອງ ກ້ອງ 35ມີລີແມັດ, ຂະຫນາດ ຂອງຟາຍລ໌ທີ່ໄດ້ໃຫຍ່ສຸດທີ່ 17,90ລ້ານພິກເຊລ ຫລື ຄວາມລະອຽດ 5.184 x 3.456ພິກເຊລ
- ຮອງຮັບ ISO 100-12,800 (High 25,600)
- ມີຈຸດໂຟກັສ 9ຈຸດ ແລະຈຸດໂຟກັສແບບ Cross-type ທີ່ ຈຸດກາງມີລະບົບໂຟກັສໃຫມ່ຊື່ວ່າ Hybrid CMOS AD II ທີ່ຈັບ ໂຟກັສໄດ້ພື້ນທີ່ຫລາຍຂຶ້ນ ແລະ ຄວບຄຸມຈາກຈໍພາບຫລັງ ກ້ອງໄດ້ ອີກ, ຮອງຮັບເລນສ໌ຄວາມໄວ ແສງສູງສຸດ f/2.8
- ສາມາດຖ່າຍພາບໄດ້ຕໍ່ ເນື່ອງ 4ເຟຣມຕໍ່ວິນາທີ
- ໃສ່ ImageProcessor ຮຸ່ນ DIGIC 5ມາໃນຕົວກ້ອງ
- ລະບົບວັດແທກສອງ 63 ໂຊນແບບ Dual-layer
- ລະບົບຖ່າຍວິດີໂອ EOS Movie mode ທີ່ສາມາດຖ່າຍ ວິດີໂອໄດ້ເຖິງຂະຫນາດ 1080p (Full HD) ພ້ອມຄຸນສົມບັດ Movie Servo AF
- ຂະຫນາດຂອງ View Finder ຮອງຮັບ 95% ຂອງພື້ນ ທີ່ທັງຫມົດ ແລະ ອັດຕາຂະຫຍາຍ 0,87ເທົ່າ
- ຈໍພາບດ້ານຫລັງມີຂະ ຫນາດ 3ນິ້ວ ເປັນແບບ Clear View II ທີ່ໃຫ້ພາບຄົມຫລາຍຂຶ້ນ ສາມາດເບິ່ງໄດ້ໃນບ່ອນທີ່ມີແສງແດດກ້າ ແລະ ຕ້ອງການເບິ່ງ ພາບດ້ານຫລັງ, ຈໍພາບດ້ານຫລັງ ເປັນແບບ Multi-touch ເພື່ອສັ່ງງານກ້ອງຈາກຕົວຈໍພາບໄດ້ທັນທີ
- ເຮັດວຽກຮ່ວມກັບຫນ່ວຍ ຄວາມຈຳ SDXC ແລະ ຮອງ ຮັບ Eye-Fi
- ມີ Scene Mode ໃຫ້ ເລືອກໃຊ້
- ເມົາທ໌ເລນສ໌ໃຊ້ວຽກຮ່ວມ ກັບເລນສ໌ EF ແລະ EFS ຂອງ ແຄນອນໄດ້ຄືກັບຮຸ່ນມືອາຊີບ ເຊັ່ນ EOS 650D ຫລື EOS 7D ເປັນຕົ້ນ ເບິ່ງຈາກຄຸນລັກສະນະໂດຍລວມ ແລະ ຈາກການນຳ ໃຊ້ແລ້ວໃນຖານະທີ່ເຄີຍຈັບກ້ອງ Canon EOS 650D ມາກ່ອນຕ້ອງບອກເລີຍວ່າ ມັນຄືກ້ອງ Canon EOS 650D ທີ່ຖືກຈັບມາຫຍໍ້ເຂົ້າໃຫ້ມັນມາເປັນ Canon EOS 100D ນັ້ນເອງ ຍົກເວັ້ນຈໍພາບທີ່ຕິດຕາຍຕົວບໍ່ແມ່ນແບບບິດໄດ້ຄືກັບ Canon EOS 650D.
ແຕ່ຄຸນສົມບັດຂອງກ້ອງຂະ ຫນາດພາບທີ່ໄດ້ 18 ລ້ານພິກເຊລ ທີ່ຄວາມລະອຽດ 5184x 3456 pixel ເທົ່າກັນເລີຍຈື່ໄດ້ ຍ້ອນວ່າ ຕົວເລກທາງຫລັງນີ້ແຫລະມັນ ລຽງກັນຈົນເປັນຕາເອົາໄປຊື້ຫວຍ 3456 ໄລ່ລຽງກັນເຫມາະ ພໍດີເລີຍ ແລະ ຄຸນສົມບັດດ້ານຈໍລະບົບສຳຜັດລັກສະນະດຽວກັບ Canon EOS 650D ຈະມີ ຕ່າງໄປຫນ້ອຍຫນຶ່ງກໍ່ຄືປຸ່ມ Q ຫລື Quick Menu ປຸ່ມນີ້ຈະຫາຍໄປ ແຕ່ຈະໃຊ້ປຸ່ມດຽວກັບປຸ່ມ OK ເຄິ່ງກາງປຸ່ມລູກສອນແທນອາດ ຍ້ອນພື້ນທີ່ໃນການວາງປຸ່ມຫົດ ຫາຍໄປແດ່ນັ້ນເອງ ເຊິ່ງກໍ່ສາມາດໃຊ້ປຸ່ມເທິງຈໍທັດສກຣີນທົດ ແທນໄດ້.
ຕົວນ້ອຍຂະຫນາດໃດ? ທາງແຄນອນໄດ້ລະບຸໄວ້ໃນເອກະສານດັ່ງນີ້
- ຂະຫນາດນ້ອຍພຽງ 116.8 x 90.7 x 69.4 ມີລີແມັດ (ຫລືກວ້າງປະມານ iPhone 4 / 4s)
- ນ້ຳຫນັກຕົວກ້ອງພຽງ 370ກຣາມ (ຫລືຫນັກປະມານນ້ຳອັດ ລົມ 1ກະປອງ)
ກໍ່ລອງເອົາໄປຈິນຕະນາການເອງວ່າມັນນ້ອຍພຽງໃດທາງທີ່ດີໃຫ້ໄປລອງຈັບຕົວຈິງທີ່ຮ້ານຄ້າກັນເລີຍເລື່ອງແບບນີ້ຕ້ອງລອງເອງກັບມືແລ້ວຈະເຂົ້າໃຈໄດ ເອງວ່າມັນນ້ອຍ ແລະ ເບົາຂະຫນາດໃດ.
ຄັ້ງທຳອິດກັບຊັດເຕີແບບງຽບ ໃນກ້ອງ Entry-level
ເວລາທີ່ເຮົາຕ້ອງການຖ່າຍພາບດ້ວຍກ້ອງ DSLR ໃນຫ້ອງທີ່ມິດງຽບ ໂດຍສະເພາະໃນຫ້ອງປະຊຸມ ຫລື ພາຍໃນງານສຳມະນາສິ່ງຫນຶ່ງທີ່ຕາກ້ອງຈະກັງວົນກໍ່ຄືສຽງຊັດເຕີອາດຈະດັງລົບກວນສະຖານທີ່ນັ້ນໆໄດ້ ແລະ ເຂົາອາດຈະຫ້າມບໍ່ໃຫ້ທ່ານຖ່າຍພາບ (ເພາະສຽງຊັດເຕີດັງລົບກວນ) ຫລື ທ່ານທີ່ຖ່າຍພາບສັດພາບນົກສຽງຊັດເຕີອາດຈະເຮັດໃຫ້ສັດ ຫລື ນົກຕື່ນຕົກໃຈ ແລະ ຫນີໄປໄດ້ ເຊິ່ງຖ່ານເປັນເມື່ອກ່ອນຈະມີສະເພາະກ້ອງ DSLR ລະບົບໂປຣເທົ່ານັ້ນທີ່ຈະມີລະບົບຊັດເຕີງຽບໄວ້ໃຫ້ນຳໃຊ້ໃນສະຖານະການທີ່ຕ້ອງການຄວາມມິດງຽບຂະນະຖ່າຍພາບ.
ແຕ່ Canon EOS 100D ຖືວ່າເປັນກ້ອງ DSLR ລະດັບລຸ່ມ (Entrylevel) ຕົວທຳອິດທີ່ໃສ່ຄຸນສົມບັດນີ້ມາໃຫ້ນຳແຖມຍັງເປັນຊັດເຕີງຽບທີ່ຖ່າຍພາບຕໍ່ເນື່ອງໄດ້ທີ່ 2,5 ພາບຕໍ່ວິນາທີ ເຊິ່ງໄວພຽງພໍສຳລັບວຽກທົ່ວໄປແຕ່ໄດ້ຄວາມງຽບເພີ່ມຂຶ້ນຢ່າງມະຫາສານ ແລະ ທີ່ສຳຄັນບໍ່ຈຳເປັນຕ້ອງຊື້ກ້ອງແພງໆເພື່ອໃຫ້ໄດ້ຄຸນສົມບັດຂໍ້ນີ້ອີກຕໍ່ໄປ.
ຢ່າງໃດກໍ່ຕາມ ການທີ່ແຄນອນເພີ່ມລະບົບນີ້ເຂົ້າມາໃນກ້ອງ DSLR ລະດັບລຸ່ມກໍ່ຄື EOS 100D ນີ້ ຍິ່ງເຮັດໃຫ້ຫມັ້ນໃຈຂຶ້ນຕື່ມວ່າແຄນອນເຮັດກ້ອງຕົວນີ້ອອກມາ “ເພື່ອເປັນຄູ່ແຂ່ງກັບກ້ອງ Mirrorless” ໂດຍສະເພາະ, ເພາະນີ້ເປັນອີກຈຸດຫນຶ່ງທີ່ຄູ່ແຂ່ງຈະເນັ້ນເຮັດກ້ອງແບບ Mirrorless ໂຈມຕີກ້ອງ DSLR ສະເຫນີມາວ່າຊັດເຕີສຽງດັງ (ເພາະກ້ອງແບບ Mirrorless ສຽງຊັດເຕີຄ່ອຍທີ່ສຸດ) ຈິ່ງບໍ່ແປງໃຈທີ່ຈະມີລະບົບຊັດເຕີງຽບມາໃຫ້ນຳໃຊ້ໃນກ້ອງ Canon EOS 100D ເພື່ອເປັນຄູ່ແຂ່ງກັບກ້ອງແບບຈະໄດ້ເຊົາມາຫຍຸ້ງກັບເລື່ອງສຽງ ຊັດເຕີຂອງກ້ອງ DSLR ອີກຕໍ່ໄປເພາະມັນງຽບແລ້ວບໍ່ດັງແລ້ວນັ້ນເອງ.
ລະບົບ Multi Shot Noise Reduction Function ຊ່ວຍຖ່າຍພາບໃນທີ່ແສງນ້ອຍ
ສຳລັບຄຸນສົມບັດອື່ນໆທີ່ເພີ່ມເຂົ້າມາເຖິງວ່າບໍ່ແມ່ນເລື່ອງໃຫມ່ແຕ່ກໍ່ດີໃຈທີ່ມີ ໂດຍສະເພາະເມື່ອມາຢູ່ໃນກ້ອງລະບົບລຸ່ມສຳລັບມືໃຫມ່ໃຊ້ວຽກແບບນີ້ Multi Shot Noise Reduction Function ເປັນສິ່ງທີ່ຈຳເປັນ ແລະ ຊ່ວຍຊີວິດພາບຖ່າຍຂອງມືໃຫມ່ໄວ້ໄດ້ຫລາຍເພາະສິ່ງທີ່ມືໃຫມ່ຢ້ານ ຫລື ຖ່າຍພາບຍາກທີ່ສຸດກໍ່ຄືການຖ່າຍພາບບ່ອນທີ່ແສງຫນ້ອຍ ຫລື ຖ່າຍພາບຕອນກາງຄືນີ້ແຫລະ ແລະ ລະບົບ Multi Shot Noise Reduction Function ນີ້ຈະ ຊ່ວຍໄດ້ແທ້ໆ ນອກຈາກຈະໄດ້ ພາບທີ່ຊັດເຈນບໍ່ສັ່ນແລ້ວຍັງຊ່ວຍໃຫ້ໄດ້ພາບທີ່ມີສັນຍານລົບກວນ ຫລື noise ທີ່ຕ່ຳ ໂດຍໃຊ້ການລົວພາບ 4 ພາບຕິດຕໍ່ກັນແລ້ວຈິ່ງລວມທັງ 4 ພາບ (ໃນມຸມດຽວກັນນີ້) ເຂົ້າເປັນພາບໆດຽວທີ່ມີ noise ຕ່ຳກວ່າການຖ່າຍພາບພຽງພາບດຽວ.
ມີຂໍ້ຫນ້າສັງເກດເລັກນ້ອຍກ່ຽວກັບລະບົບ Multi Shot Noise Reduction Function ນີ້ກໍ່ຄືທ່ານຄວນຖືກ້ອງບໍ່ໃຫ້ເຫນັງໃນຂະນະທີ່ຖ່າຍພາບເພາະກ້ອງຈະລົວຖ່າຍພາບຕິດໆກັນຫລາຍພາບຢ່າຕົກໃຈ ແລະ ຢ່າຍ້າຍກ້ອງກ່ອນທີ່ກ້ອງຈະຖ່າຍຈົນແລ້ວຮຽບຮ້ອຍ ແລະ ພາບສຸດທ້າຍທີ່ໄດ້ຈະມີມຸມມອງ “ແຄບກວ່າ” ການຖ່າຍພາບຕາມປົກກະຕິເລັກນ້ອຍບ່ອນນີ້ເອງ ຄາດວ່າລະບົບຈະຕັດບໍລິເວນຂອບຂອງພາບອອກໄປເລັກນ້ອຍໃນລະຫວ່າງການຄຳນວນເພື່ອລວມພາບຫລາຍໆພາບເປັນພາບດຽວເຮົາຈິ່ງຄວນເຜື່ອເຫລືອບໍລິເວນຂອບໃນຂະນະຖ່າຍໃຫ້ກວ້າງກວ່າປົກກະຕິເລັກນ້ອຍເພື່ອທີ່ເວລາກ້ອງຕັດພາບບໍລິເວນຂອບອອກໄປແລ້ວຍັງໄດ້ພາບແບບທີ່ເຮົາຕ້ອງການ ເຊິ່ງອັນນີ້ບໍ່ແມ່ນເລື່ອງໃຫຍ່ຫຍັງພຽງໃຊ້ວຽກໄລຍະຫນຶ່ງກໍ່ຄຸ້ນເຄີຍແລ້ວຮຽກໄດ້ວ່າເກືອບຈະລືມຂາຕັ້ງໄປເລີຍເວລາຖ່າຍພາບຕອນກາງຄືນ.
