ກຽມພົບປຸ່ມ Start ຫວນຄືນສູ່ Windows 8.1
ລະບົບປະຕິບັດການຈາກໄມໂຄຣຊອຟທ໌ທີ່ຈະມາອັບເກຣດໃຫ້ກັບ Windows 8 ເພື່ອພັດທະນາຄຸນສົມບັດເດີມໃຫ້ມີປະສິດທິພາບຫລາຍຂຶ້ນ ພ້ອມກັບການຫວນຄືນມາອີກຂອງປຸ່ມ Start.
ເປັນທີ່ຕິດຕາມເບິ່ງຫລາຍທີ່ສຸດຈາກຜູ້ໃຊ້ຄອມພິວເຕີທົ່ວໂລກ ແລະ ຫນ້າຈະລວມເຖິງພັນທະມິດຂອງໄມໂຄຣຊອຟທ໌ທີ່ຢາກເຫັນການປັບປຸງ Windows 8ພ້ອມໆກັບການກັບມາຂອງປຸ່ມ Start ສ່ວນຫນຶ່ງຂອງວິນໂດທີ່ປຽບເຫນືອນມົນສະເຫນທີ່ນຳພາຜູ້ໃຊ້ໄປຍັງເມນູຕ່າງໆໃນເຄື່ອງຄອມພິວເຕີ ການມາຂອງ Windows 8ໄມໂຄຣຊອຟທ໌ຫວັງທີ່ຈະນຳປະສົບການໃຫມ່ໆທີ່ວ່ອງໄວ ແລະ ມີປະສິດທິພາບເທິງຫນ້າ Start Screen ໃນຮູບແບບທີ່ຮຽກວ່າ Metro UI ສອດຄ່ອງກັບພຶດຕິກຳການໃຊ້ຄອມພິວເຕີທີ່ປ່ຽນແປງໄປ ດັ່ງນັ້ນ ປຸ່ມ Start ແບບເດີມຈິ່ງຖືກຕັດອອກໄປແລ້ວ ປ່ຽນວິທີການຮຽກໃຊ້ງານໃຫມ່ ດ້ວຍລູກຫລິ້ນທີ່ມາກັບວິທີຮຽກໃຊ້ໃຫມ່ ສະແດງໃຫ້ເຫັນແລ້ວວ່າ ມັນໃຊ້ການບໍ່ໄດ້ ເຖິງວ່າໄມໂຄຣຊອຟທ໌ຈະພະຍາຍາມອະທິບາຍຂໍ້ດີເຖິງການໃຊ້ Windows 8ທີ່ບໍ່ມີປຸ່ມ Start ກໍ່ຕາມ ຈາກຈຸດນີ້ເອງທີ່ເຮັດໃຫ້ຜູ້ໃຊ້ຈຳນວນຫລາຍຮູ້ສຶກວ່າຕົນເອງບໍ່ສາມາດປັບຕົວເຂົ້າກັບ Windows 8ທີ່ບໍ່ມີປຸ່ມ Start ໄດ້ຈິ່ງມີການໂຫລດໂປຣແກຣມເສີມທີ່ຮຽກວ່າ Pokki ມາຕິດຕັ້ງເພື່ອໃຫ້ມີປຸ່ມ Start ມາໃຊ້ໄດ້ເຫມືອນເດີມ.
ຈາກທ່າທີທີ່ມີທັງສຽງຕອບຮັບ ແລະ ບໍ່ຕ້ອງການໃນ Windows 8 ຂອງຜູ້ໃຊ້ແລະພັນທະມິດຜູ້ຮ່ວມຜະລິດຮາດແວຣ໌ໃຫ້ກັບໄມໂຄຣຊອຟທ໌ ເຊິ່ງສຽງທີ່ລົມກັນໃນແງ່ລົບຈິ່ງເປັນເຫດຜົນທີ່ຫນ້າຈະພໍໃຫ້ໄມໂຄຣຊອຟທ໌ນຳປຸ່ມ Start ກັບມາໃນ Windows 8.1 ໂດຍໃນຊອດໂຄ໊ດຂອງຕົວທົດລອງທີ່ຫລຸດມາກ່ອນຫນ້ານີ້ມີຜູ້ຄົ້ນພົບຟາຍລ໌ຫນຶ່ງ (TwinUI.dll) ເຊິ່ງຟາຍນີ້ເອງເຮັດໃຫ້ເກີດກະແສວ່າ Windows 8.1 ຈະມີຕົວເລືອກທີ່ສາມາດບູດເຂົ້າ ໄປຫາຫນ້າເດສທ໋ອບໄດ້ໂດຍບໍ່ຜ່ານຫນ້າ Start Screen ແຖມການກັບສູ່ປຸ່ມ Start ອີກດ້ວຍ.
ສຸດທ້າຍແລ້ວການອັບເດດ Windows 8 ສູ່ເວີເຊິນໃຫມ່ຈະເຮັດໃຫ້ຜູ້ໃຊ້ຄອມພິວເຕີ ແລະ ແທັບເລັດໄດ້ຊື່ນໃຈກັບການກັບມາຂອງປຸ່ມ Start ຕາມທີ່ຫວັງໄວ້ຫລືບໍ່ ທ້າຍປີນີ້ ໄມໂຄຣຊອທຟ໌ຈະເຮັດໄດ້ຢ່າງທີ່ຫວັງ ຫລື ບໍ່ຕ້ອງຕິດຕາມກັນຕໍ່ໄປ.