Outlook.com ເປັນບໍລິການອີເມລທີ່ນຳໃຊ້ລ້າໃຫມ່ຫລ້າ ສຸດຂອງໄມໂຄຣຊອຟທ໌ເປັນການດຶງຄຸນສົມບັດຂອງ Hotmail.com ມາດັດ ແປງໃຊ້ຮ່ວມກັນ ພ້ອມເພີ່ມລູກຫລິ້ນທີ່ຫລາກຫລາຍຂຶ້ນ ແລະ ຮອງຮັບການໃຊ້ວຽກໃນສະມາດໂຟນ ແລະ ແທັບເລັດ ເຊິ່ງຕອນນີ້ໄມໂຄຣຊອຟທ໌ກຽມນຳຄຸນສົມບັດ Skype video calling ມາໃຊ້ໃນ Outlook.com ແລ້ວ.
ໄມໂຄຣຊອຟທ໌ກ່າວວ່າ ກຽມເປີດຕົວບໍລິການ Skype for out look ເປັນການນຳຄຸນສົມບັດທີ່ມີ ຢູ່ໃນ Skype ທີ່ໄມໂຄຣຊອຟທ໌ຊື້ກິດຈະການຕັ້ງແຕ່ປີ 2011 ກໍ່ຄື Skype video calling ມາປະ ກອບເຂົ້າກັນກັບ Outlook.com ເພື່ອໃຫ້ຜູ້ໃຊ້ສາມາດແບ່ງປັນ ຫລື ສົນທະນາກັນແບບເຫັນຫນ້າໄດ້ ໂດຍທີ່ບໍ່ຈຳເປັນຕ້ອງໄປເປີດໂປຣແກຣມອື່ນແຕ່ຢ່າງໃດ ເຊິ່ງໄມ ໂຄຣຊອຟທ໌ກ່າວວ່າ ຈະເລີ່ມນຳໃຊ້ຟີເຈີນີ້ໃນລາຊະອານາຈັກເປັນ ບ່ອນທຳອິດ ຕາມມາດ້ວຍສະຫະລັດ ແລະ ເຢຍລະມັນໃນອາທິດນີ້ ແລະ ຈະຂະຫຍາຍໄປປະເທດອື່ນໆໃນໄລຍະພັກຜ່ອນປີນີ້.
ໄມໂຄຣຊອຟທ໌ກ່າວວ່າ ການຈະໃຊ້ Skype video calling ໃນ Outlook.com ໄດ້ຈຳເປັນຕ້ອງຕິດຕັ້ງປລັກອິນກ່ອນ ແລະ ຈະຮອງຮັບກັບເວັບບຣາວເຊີໃນເວີເຊິນຫລ້າສຸດຂອງ Internet Explorer, Chrome ແລະ Fire fox ອີກ, ສຳລັບທ່ານໃດທີ່ຍັງບໍ່ເຄີຍເຂົ້າໃຊ້ບໍລິການ Outlook ທ່ານສາມາດເຂົ້າໄປໃຊ້ໄດ້ພຽງແຕ່ໃຊ້ອີເມລເດີມທີ່ເປັນ hotmail ແລະ ລະຫັດຜ່ານເທົ່ານີ້ກໍ່ສາມາດ ລ໋ອກອິນເຂົ້າໄປໃຊ້ວຽກ Outlook ໄດ້ແລ້ວ.
