Office Web Apps ເປັນບໍລິການຊອຟທ໌ແວຣ໌ສ້າງເອກະສານແບບອອນລາຍນ໌ ຫລື ເຮັດວຽກຜ່ານບຣາວເຊີທີ່ໄມໂຄຣຊອຟທ໌ເປີດບໍລິການມາຕັ້ງແຕ່ປີ 2008 ເຊິ່ງມາເຖິງປະຈຸບັນ ໄມໂຄຣຊອຟທ໌ ໄດ້ກຽມສະຫນັບສະຫນູນໃຫ້ບໍລິການດັ່ງກ່າວສາມາດໃຊ້ວຽກໃນແທັບເລັດທີ່ເປັນແອນດຣອຍ (Android) ໄດ້ແລ້ວ.
ຈາກການເປີດເຜີຍຂອງໄມໂຄຣຊອຟທ໌ຜ່ານບລ໋ອກ Office 365ລະບຸວ່າ Office WebApps ຈະເລີ່ມສະຫນັບສະຫນູນການໃຊ້ວຽກໃນແທັບເລັດແອນດຣອຍ ແຕ່ຈຳເປັນຕ້ອງໃຊ້ວຽກຜ່ານ Chrome for Android ເທົ່ານັ້ນ ເຊິ່ງ Office Web Apps ຈະເພີ່ມຟີເຈີການແກ້ຟາຍລ໌ເອກະສານໄດ້ພ້ອມກັນຫລາຍຄົນ ໃນແບບ realtime ເຮັດໃຫ້ຜູ້ໃຊ້ສາມາດເບິ່ງເຫັນຜູ້ໃຊ້ລາຍອື່ນໆທີ່ເຂົ້າໃຊ້ວຽກເອກະສານໄດ້ໂດຍບໍ່ຕ້ອງຣີເຟດຫນ້າແຕ່ຢ່າງໃດ ໂດຍໃນເບື້ອງຕົ້ນ ໄມໂຄຣຊອຟທ໌ ຈະເລີ່ມໃຫ້ຜູ້ໃຊ້ສາມາດໃຊ້ວຽກ PowerPoint Web Apps ກ່ອນ ແລະ ຫລັງຈາກນັ້ນ ກໍ່ຈະທະຍອຍເປີດການໃຊ້ວຽກ ຊອຟທ໌ແວຣ໌ອື່ນໆໃນຊຸດ Office ຕໍ່ໄປ. ນອກຈາກນີ້ ທາງໄມໂຄຣ ຊອຟທ໌ຍັງໄດ້ກ່າວເຖິງແຜນການສຳລັບ Office Web Apps ວ່າຈະຊ່ວຍເພີ່ມປະສົບການຂອງຜູ້ໃຊ້, ການໃຊ້ຄວາມສາມາດທາງສັງຄົມອອນລາຍນ໌, ການເຮັດວຽກຮ່ວມກັນ ແລະ ການສະຫນັບສະຫນູນການນຳໃຊ້ຂ້າມແພລດຟອມ.
ເຊິ່ງໃນອະນາຄົດຂ້າງຫນ້າກໍ່ເຊື່ອເປັນຢ່າງຍິ່ງວ່າ Office Web Apps ຈະເປັນບໍລິການອອນລາຍນ໌ທີ່ມີຄວາມສາມາດໃກ້ຄຽງກັບຊຸດ Office ທີ່ເຮົາໃຊ້ຢູ່ໃນປະຈຸບັນໃນພີຊີ ແລະ ໂນດບຸກ.
