ໃນງານ Google I/O ທີ່ຜ່ານມາກູເກິລໄດ້ປະກາດການປັບປຸງໃຫ້ໂດຍສະເພາະໂສມຫນ້າເຄືອຂ່າຍສັງຄົມຂອງພວກເຂົາກໍ່ຄື Google+ ສຳລັບການນຳໃຊ້ເທິງຄອມພິວເຕີຕັ້ງໂຕະ ຫລື ເດສທ໋ອບ ເຊິ່ງເມື່ອບໍ່ດົນມານີ້ Google+ ໃນມືຖືໄດ້ມີການປັບປຸງຮູບແບບຂອງການນຳໃຊ້ໃຫມ່ອີກເຊັ່ນກັນ.
ການປ່ຽນຮູບແບບ Google+ ໃນມືຖືເທື່ອນີ້ ຈະມີຄວາມຄ້າຍຄືກັນກັບການໃຊ້ວຽກໃນເດສທ໋ອບ ເພື່ອໃຫ້ລູກຄ້າຮູ້ສຶກໄດ້ວ່າບໍ່ວ່າຈະນຳໃຊ້ໃນອຸປະກອນໃດກໍ່ສາມາດເຂົ້າເຖິງຟັງເຊິນຕ່າງໆທີ່ຕ້ອງການໄດ້ບໍ່ຕ່າງກັນໂດຍ Google+ ໃນມືຖືທີ່ປ່ຽນແປງໄວຈະປະກອບດ້ວຍຫນ້າໂພຣຟາຍລ໌ທີ່ສາມາດເພີ່ມເຂົ້າໄປໄດ້ອີກ Cover (ຄ້າຍຄື Timeline ຂອງເຟດບຸກ), ສ່ວນຂອງການສະແດງຂໍ້ມູນສ່ວນຕົວ ຫລື ຟີດ(feed) ຂ່າວຈະສະແດງຜົນໃນຮູບແບບກາຣ໌ດເພື່ອໃຫ້ງ່າຍຕໍ່ການອ່ານ ແລະ ແບ່ງປັນຫລາຍຂຶ້ນ ເຊິ່ງໃນພາບລວມ Google+ ໃນເດສທ໋ອບ ແລະ ມືຖືຈະຂ້ອນຂ້າງຄ້າຍຄືກັນກັບ Pinterest ທີ່ຈະມີການສະແດງຮູບພາບ ແລະ ວີດີໂອທີ່ມີຂະຫນາດໃຫຍ່ເຕັມພື້ນທີ່ຄວາມກວ້າງຂອງຫນ້າຈໍ.