ແອບພລິເຄເຊິນ ໂຄຣມ ອັບເດດການຄົ້ນຫາງ່າຍ ແລະ ໄວຂຶ້ນ
ລາຍງານຂ່າວຫລ້າສຸດຈາກບລ໋ອກຢ່າງເປັນທາງການສຳລັບບຣາວເຊີໂຄຣມ (Chrome) ຂອງກູເກິລ (Google) ທີ່ໄດ້ມີການອັບເດດແອບພລິເຄເຊິນໃນໄອໂຟນ (iPhone) ເວີເຊິນ 25.0.1364.86 ເຊິ່ງນອກຈາກໃນເວີເຊິນນີ້ ຜູ້ໃຊ້ຈະສາມາດກົດປຸ່ມ Back ຄ້າງ ເພື່ອເຂົ້າເຖິງ history ຂອງແທັບຕ່າງໆໄດ້ແລ້ວມັນຍັງເພີ່ມຄວາມງ່າຍໃນການຄົ້ນຫາດ້ວຍ search Google ອີກດ້ວຍ.
ອ້າງອີງຂໍ້ມູນຈາກບລ໋ອກຢ່າງເປັນທາງການຂອງໂຄຣມລະບຸວ່າ ຄຸນລັກສະນະການຄົ້ນຫາຂອງແອບບຣາວເຊີເວີເຊິນໃຫມ່່ທີ່ເລີ່ມເປີດໃຫ້ດາວໂຫລດໃນອາທິດນີ້ ຜູ້ໃຊ້ຈະສາມາດເຫັນຄຳຄົ້ນໃນ Omnibox ແທນການສະແດງ URL ຂອງຄິວຣີທີ່ຍາວໆ ແລະ ເຫັນບໍ່ຄົບໃນຂະນະດຽວກັນມັນຍັງເປີດໂອກາດໃຫ້ຜູ້ໃຊ້ສາມາດຄົ້ນຫາໄດ້ຢ່າງວ່ອງໄວຈາກ Omnibox ໃນແອບໂຄຣມໄດ້ເລີຍຜົນຂອງການຍ້າຍຊ່ອງການຄົ້ນຫາເພື່ອປ້ອນຄຳຄົ້ນ ຫລື ຄີເວີດໃນບໍລິການກູເກິລໃຫ້ໃຊ້ວຽກຮ່ວມກັບ Omnibox ຂອງບຣາວເຊີໄດ້ເລີຍເຮັດໃຫ້ແອບໂຄຣມເວີເຊິນໃຫມ່ເຫລືອພື້ນທີ່ໃນການສະແດງຫນ້າຜົນທີ່ໄດ້ຮັບຈາກການຄົ້ນເພີ່ມຂຶ້ນອີກດ້ວຍ, ບໍ່ພຽງແຕ່ການປ່ຽນແປງທີ່ເຫັນໄດ້ຊັດເຈນຂ້າງຕົ້ນເທົ່ານັ້ນ ແອບພລິເຄເຊິນໂຄຣມເວີເຊິນໃຫມ່ໃນ iPhone, iPod Touch ແລະ iPad, iPad Mini ຍັງໄດ້ຮັບການປັບປຸງ ເລື່ອງຂອງສະຖຽນລະພາບການເຮັດວຽກ ແລະ ລະບົບຮັກສາຄວາມປອດໄພອີກທັງຍັງໄດ້ແກ້ໄຂຂໍ້ຜິດພາດຕ່າງໆອີກດ້ວຍ, ຜູ້ໃຊ້ຍັງສາມາດແບ່ງປັນເວັບເຜດຜ່ານແອບພລິເຄເຊິນ Messages ໄດ້ອີກຕ່າງຫາກ, ສຳລັບທ່ານໃດທີ່ກຳລັງຊອກຫາແອບບຣາວເຊີທີ່ເປັນອີກ ຫນຶ່ງຕົວເລືອກແທນ Safari ບາງເທື່ອ Chrome ເວີເຊິນໃຫມ່ນີ້ ອາດຈະເຫມາະກັບທ່ານ.
ນອກຈາກການອັບເດດແອບ Chrome ເວີເຊິນໃຫມ່ໃນ iOS ແລ້ວ ກູເກິລຍັງບໍ່ລືມທີ່ຈະໃຫ້ຄວາມສຳຄັນກັບແພລດຟອມແອນດຣອຍ (Android)ໂດຍເຫັນວ່າ ສະມາດໂຟນທີ່ໂພຣເຊັດເຊີແຮງໃນປະຈຸບັນຈະສາມາດຊ່ວຍໃຫ້ເວລາທີ່ໃຊ້ໃນການສະແດງຜົນຫນ້າເວັບໄດ້ໄວຂຶ້ນຫລາຍກວ່າເດີມ ໂດຍສະເພາະຫາກມີການເຮັດວຽກຮ່ວມກັບເຊີເວີພລ໋ອກຊີ (Server Pro xy) ສະຫລາດໆ ເຊິ່ງຫລັກການທີ່ມີການເປີດເຜີຍອອກມາຈາກການວິເຄາະໂຄ໊ດໃຫມ່ຂອງແອບພລິເຄເຊິນພົບວ່າ ກູເກິລມີການຣັນເຊີເວີພລ໋ອກຊີທີ່ຈະໃຊ້ໃນການບີບຫນ້າເວັບດ້ວຍເຕັກໂນໂລຊີ SPDY ຜົນໄດ້ຮັບທີ່ເກີດຂຶ້ນຄື ມັນຈະຊ່ວຍໃຫ້ການໂຫລດ ແລະ ສະແດງຜົນຫນ້າເວັບໃນສະມາດໂຟນໄວຂຶ້ນໄດ້ອີກເຖິງວ່າໃນຍາມທີ່ແບນວິດ (Bandwid th ) ຂອງການເຊື່ອມຕໍ່ຈະຕ່ຳກໍ່ຕາມ ຄວາມຈິງແລ້ວແນວຄິດການເພີ່ມເຊີເວີພລ໋ອກຊີເຂົ້າມາຊ່ວຍເພີ່ມຄວາມໄວດ້ວຍການບີບອັດຫນ້າເວັບໃນລັກສະນະນີ້ບໍ່ແມ່ນເລື່ອງໃຫມ່ ໂດຍກ່ອນຫນ້ານີ້ Amazon Silk ແລະ Opera Turbo ກໍ່ໃຊ້ແນວທາງດຽວກັນ, ຢ່າງໃດກໍ່ຕາມຈາກຫລັກຖານທີ່ພົບຍັງບໍ່ຢືນຢັນແນ່ນອນເທື່ອວ່າ ກູເກິລຈະໃຊ້ໂຄ໊ດທີ່ມີການເຮັດວຽກຮ່ວມກັບພລ໋ອກຊີບີບອັດຫນ້າເວັບດັ່ງກ່າວແທ້ ຫລື ບໍ່ ຫລື ເປັນພຽງແຕ່ການທົດສອບ ແລະ ຖ້າບໍ່ແມ່ນຈະໄດ້ໃຊ້ເມື່ອໃດ? ຫາກມີຄວາມຄືບຫນ້າທາງຄໍລຳຜ່າໂລກໄອທີຈະຮີບມານຳສະເຫນີໃຫ້ຊາບໂດຍທົ່ວກັນທັນທີ
