Canon Image CLASS MF4450

Canon Image CLASS MF4450 ເປັນເຄື່ອງພິມຍຸກໃຫມ່ທີ່ໄດ້ຮັບການອອກແບບສຳລັບກຸ່ມຜູ້ໃຊ້ວຽກທີ່ຕ້ອງການເຄື່ອງພິມທີ່ມີຄຸນນະພາບສາມາດຕອບສະຫນອງທຸກການເຮັດ ວຽກໄດ້ຫລາກຫລາຍດ້ວຍເຕັກໂນໂລຊີ ແລະ ຄຸນລັກສະນະທີ່ຄົບຖ້ວນ ສົມບູນໃຫ້ຄວາມກຸ້ມຄ່າສູງດ້ວຍສະມັດຖະພາບທີ່ໄດ້ຮັບການຫຍໍ້ ສ່ວນມາຈາກເຄື່ອງພິມຂະຫນາດໃຫຍ່ ໂດຍ ເຄື່ອງພິມ Canon Image CLASS MF4450 ຈະມາພ້ອມກັບຄຸນລັກສະນະໃນການເຮັດວຽກເຖິງ 4 ຢ່າງໄດ້ແກ່ພິມເອກະສານ, ສະແກນ, ແຟັກ ແລະ ຖ່າຍເອກະສານໄດ້ໃນເຄື່ອງດຽວ ພ້ອມໃຫ້ຄວາມໄວທີ່ເຫນືອກວ່າດ້ວຍການນຳເອົາເຕັກໂນໂລຊີ UFR II LT ມາໃຊ້ວຽກສົ່ງຜົນໃຫ້ເຄື່ອງພິມຮຸ່ນນີ້ມີປະສິດທິພາບ ແລະ ສະຖຽນລະພາບທີ່ດີກວ່າໂມໂນເລເຊີແບບອື່ນໆຢ່າງຊັດເຈນ.

ຄຸນສົມບັດການພິມ

ພິມເອກະສານແບບຂາວດຳດ້ວຍເຕັກໂນໂລຊີແບບເລເຊີ ໂດຍສາມາດໃຫ້ຄວາມໄວໃນການພິມໄດ້ສູງສຸດເຖິງ 23/24 ຫນ້າຕໍ່ນາ ທີ (A4/LTR) ໃຫ້ຄວາມລະ ອຽດໃນການພິມລະດັບສູງ ເຖິງ 1200x600 DPI ຈິ່ງໃຫ້ພາບທີ່ຄົມຊັດສົມຈິງບໍ່ຫລອກຕາຮອງຮັບການພິມວຽກແບບກັບຫນ້າ ຫລື ແບບຊ່ວຍຫລຸດໄລຍະເວລາໃນການປີ້ນເຈ້ຍຫາກຕ້ອງການພິມວຽກແບບສອງ ຫນ້າ ພ້ອມກັນນັ້ນກໍ່ຍັງມີຊຸດປ້ອນເຈ້ຍແບບ ADF (Automatic Document Feeder)ໄດ້ ສູງສຸດເຖິງຄັ້ງລະ 35 ແຜ່ນ.

ຄຸນສົມບັດການສະແກນ

ສະແກນເອກະສານດ້ວຍເຕັກໂນໂລຊີແບບ CIS ໂດຍສາມາດໃຫ້ຄວາມລະອຽດໄດ້ສູງເຖິງ 600x 600 DPI (9600 x 9600 DPI ດ້ວຍຊອຟທ໌ແວຣ໌) ໃຫ້ສີແບບ 24 ບິດມີຄວາມເຂົ້າກັນ ໄດ້ກັບຊຸດໂປຣແກຣມ TWAIN, WIA ຮອງຮັບຟາຍລ໌ພາຍໃນການສະແກນໄດ້ທັງແບບ JPEG, TIFF, BMP, PDF.

ຄຸນສົມບັດການສຳເນົາເອກະສານ

ສາມາດສຳເນົາແຜ່ນທຳອິດໄດ້ໃນເວລາ 9 ວິນາທີຮອງຮັບເຈ້ຍທີ່ມີຄວາມຫນາຕັ້ງແຕ່ 60-163 ແກຣມຕົວຖາດປ້ອນເຈ້ຍມີຄວາມຈຸເຖິງ 250 ແຜ່ນ ແລະ ຮອງຮັບປະລິມານ Output ທີ່ 100 ແຜ່ນສະຫນັບສະຫນູນການ ຊູມໄດ້ຕັ້ງແຕ່ 25-400 ເປີເຊັນຮອງຮັບການສຳເນົາແບບ 2 on 1, 4 on 1 ແລະ ID Card Copy ມີຫນ່ວຍຄວາມຈຳພາຍໃນ 64 MB.

ຄຸນສົມບັດການແຟັກ

ໃນດ້ານຄວາມສາມາດຂອງລະບົບແຟັກນັ້ນກໍ່ນັບວ່າມີຄວາມ ຫນ້າສົນໃຈສາມາດໃຫ້ຄວາມໄວໃນການສົ່ງສູງສຸດ

33.6 Kbps ໂດຍຮອງຮັບຄວາມລະອຽດໄດ້ທີ່ 203x391 DPI ແມັມໂມຣີສາມາດຮອງຮັບໄດ້ສູງສຸດເຖິງ 256 Pages, Speed Dialໄດ້ 100 Locations ແລະ ມີໂຫມດການເຮັດວຽກໃຫ້ໃຊ້ວຽກຫລາກຫລາຍບໍ່ວ່າຈະເປັນ FAX Only, Manual, Answering, Fax/Tel Auto SW.

ຜົນການທົດສອບ

ສຳລັບການເປີດຕົວເຄື່ອງພິມໃນຕະກູນ Image CLASS ຈະມີທັງຫມົດ 6 ຮຸ່ນ ໂດຍມີຮຸ່ນ MF4450 ທີ່ນຳມາທົດສອບ ໂດຍມຸ່ງຫມັ້ນທີ່ຈະເຈາະກຸ່ມຕະຫລາດລະດັບກາງ, ຂະຫນາດໃຫຍ່ ແລະ ອົງກອນທຸລະກິດຕ່າງໆ ເຊິ່ງລວມເຖິງຫນ່ວຍງານຂອງພາກລັດດ້ວຍຟັງເຊິນໃນການເຮັດວຽກທີ່ຄົບຖ້ວນສົມບູນແບບຈົບທຸກວຽກໄດ້ດ້ວຍເລື່ອງພິມພຽງເຄື່ອງດຽວ ໂດຍສິ່ງທີ່ເຮັດໃຫ້ເຄື່ອງພິມ ImageCLASS MF4450 ໂດດເດັ່ນກວ່າກໍ່ຄືຫນ້າຈໍ LCD ແບບ B&W ທີ່ສາມາດສະແດງຜົນໄດ້ເຖິງ 5 ບັນທັດຊ່ວຍໃຫ້ການຄວບຄຸມຄຳສັ່ງໄດ້ງ່າຍບໍ່ຊ້ຳຊ້ອນຄືກັບຫນ້າຈໍແອລຊີດີແບບເກົ່າທີ່ຈະສະແດງໄດ້ພຽງແຕ່ 2 ບັນທັດເທົ່ານັ້ນໃນດ້ານວຽກອອກແບບຕົວເຄື່ອງນັ້ນກໍ່ນັບວ່າມີຄວາມລົງຕົວດ້ວຍຮູບຮ່າງທີ່ສວຍງາມນ້ອຍກະທັດຮັດປະຢັດພື້ນທີ່ການຕິດຕັ້ງສາມາດພົກພາເພື່ອນຳໄປໃຊ້ວຽກນອກສະຖານທີ່ເມື່ອມີການອອກໄປເພື່ອປະຊາສຳພັນ ຫລື ກິດຈະກຳພາຍໃນສຳນັກງານໄດ້ເປັນຢ່າງດີ ເພາະມັນມີນ້ຳຫນັກພຽງ ແຕ່ 11 ກິໂລກຣາມເທົ່ານັ້ນສ້າງຄວາມຫົດຢືດໃນການໃຊ້ວຽກໄດ້ຫລາຍກວ່າເຄື່ອງພິມອື່ນໆ ນອກຈາກນັ້ນ ເພື່ອເປັນການສ້າງຄວາມປະຢັດໃນໄລຍະຍາວຕົວເຄື່ອງຍັງມີອັດຕາການສູນເສຍພະລັງງານຕ່ຳ ແລະ ຫມຶກພິມຫນຶ່ງກັບສາມາດພິມວຽກໄດ້ຫລາຍເຖິງ 2.000 ແຜ່ນເລີຍ.

ໃນດ້ານຂອງຄຸນນະພາບວຽກພິມພາບລວມຖືວ່າມີຄຸນນະພາບດີຕົວອັກສອນມີຄວາມຄົມ ແລະ ຊັດເຈນເກືອບບໍ່ມີເມັດແກຣນປາກົດໃຫ້ເຫັນສ່ວນຮ່ອງຮອຍຂອງຝຸ່ນຜົງ ຫລື ຄາບເປິເປື້ອນສ່ວນຄວາມໄວໃນການພິມນັ້ນກໍ່ສາມາດເຮັດໄດ້ຕາມຄຸນລັກສະນະສະເພາະຂອງຕົວເຄື່ອງທີ່ລະບຸຖືວ່າໄວພຽງພໍສຳລັບການເຮັດວຽກທີ່ເລ່ງດ່ວນໂດຍບໍ່ຕ້ອງອັບເກຣດໄປເປັນເຄື່ອງພິມຮຸ່ນໃຫຍ່ເລີຍສ່ວນຄຸນສົມບັດອື່ນໆ ກໍ່ສາມາດເຮັດວຽກໄດ້ຕາມຫນ້າທີ່ຢ່າງສົມບູນແບບເກືອບບໍ່ມີບ່ອນຕິເລີຍສະຫລຸບແລ້ວດ້ວຍລາຄາທີ່ບໍ່ແພງຖືວ່າກຸ້ມຄ່າດ້ວຍປະການທັງປວງກັບຄຸນສົມບັດທີ່ຫລາຍເຖິງ 4 ແບບ ເຊິ່ງບໍ່ໄດ້ມີມາໃຫ້ພຽງແຕ່ສົ່ງແຕ່ເຮັດໄດ້ດີທຸກຟັງເຊິນອັນນີ້ຕ້ອງຊົມເຊີຍແຄນນອນເຮັດອອກມາໄດ້ດີແທ້ໆ.