Canon PowerShot G15ເປັນກ້ອງດິຈິຕອລຄອມແພັກທີ່ມີລັກສະນະໂດດເດັ່ນເປັນເອກະລັກທີ່ຕໍ່ຍອດມາຈາກກ້ອງໃນຕະກູນຈີ (G) ເຊິ່ງມີປະຫວັດ ຢ້ອນຫລັງກັບໄປນັບສິບປີທີ່ຕອບສະຫນອງກຸ່ມຜູ້ໃຊ້ກ້ອງໃນລັກສະນະຈິງຈັງປັບຄ່າຕ່າງໆໄດ້ດັ່ງໃຈຕ້ອງການມີປຸ່ມສະເພາະສຳລັບໃຫ້ຊ່າງຖ່າຍຮູບໄດ້ປັບຄ່າທີ່ຈຳເປັນໄດ້ງ່າຍສະດວກ ເຊິ່ງນັບວ່າເປັນກ້ອງຕະກູນຫນຶ່ງທີ່ປະສົບຄວາມສຳເລັດມາຢ່າງງົດງາມ ແລະ ຍາວນານຫລາຍໄລ່ລຽງມາຕັ້ງແຕ່ G1, G2, G3, G5, G6, G7, G9, G10, G11, G12, G1X ຈະເຫັນວ່າພັດທະນາການຂອງກ້ອງຕະກູນ G ນີ້ມີກ້າວກະໂດດເປັນຈັງຫວະໄປແດ່ຈົນຫລ້າສຸດຈາກ G12ຂ້າມມາເປັນ G1X ເຊິ່ງຕົວນີ້ຫນ້າຈະເປັນ G13ສ່ວນຕົວຖັດມາທີ່ຄວນຈະເປັນ G14ຜັດບໍ່ມີ, ທາງ Canon ໄດ້ໂດດຂ້າມອີກເທື່ອຫນຶ່ງກາຍມາເປັນກ້ອງ Canon PowerShot G15ຕົວທີ່ກຳລັງຈະກ່າວເຖິງນີ້ເອງ.
ຄຸນສົມບັດເດັ່ນໆຂອງ Canon PowerShot G15 ຄືສາມາດຕອບໂຈດຄວາມຕ້ອງການໃຫ້ສ້າງສັນພາບຖ່າຍປານກັບມືອາຊີບເປີດມຸມມອງໃຫ້ສະຫວ່າງຄົມກັບເລນສ໌ທີ່ມີຮູຮັບແສງກວ້າງເຖິງ f/1.8 ແລະ ເລນສ໌ມຸມກວ້າງ (28-140mm) ຊູມ ອອຟຕິຄອລໄດ້ 5 ເທົ່າ ແລະ ZoomPlus 10ໄດ້ 10 ເທົ່າມາພ້ອມເຊັນເຊີ CMOS ຂະຫນາດໃຫຍ່ 1/1.7” ຄວາມລະອຽດ 12,1 ລ້ານພິກເຊລ, ຊິບປະມວນຜົນພາບໃຫມ່ DIGIC 5, ສາມາດປະມວນຜົນໄດ້ວ່ອງໄວ ແລະ ມີປະສິດທິພາບຫລາຍຂຶ້ນ, ຖ່າຍພາບຕໍ່ເນື່ອງສູງສຸດດ້ວຍຄວາມໄວ 10 ເຟຣມ ຕໍ່ວິນາທີຄວາມໄວແສງ ISO 100-12800 ຈໍສະແດງຜົນຂະຫນາດ 3 ນິ້ວ.
ຈຸດເດັ່ນທີ່ສຳຄັນຂອງ Canon PowerShot G15 ນອກຈາກໃຊ້ HSsystem (High Senitivity System) ທີ່ມີໃນເຊັນເຊີຂະຫນາດໃຫຍ່ 1/1.7” ຄວາມລະອຽດ 12,1 ລ້ານພິກເຊລ ມີຄວາມສາມາດຈັບພາບເຄື່ອນໄຫວເກັບລາຍລະອຽດໄດ້ເປັນຢ່າງດີໃຫ້ພາບມີຄວາມຄົມສີສັນສົດໃສບວກກັບຊິບປະມວນຜົນພາບໃຫມ່ DIGIC 5 ຂອງແຄນນອນທີ່ສາມາດປະມວນຜົນໄດ້ຢ່າງວ່ອງໄວ ແລະ ມີປະສິດທິພາບສູງພ້ອມລະບົບ Auto Focus ທີ່ໄວທີ່ສຸດຂອງແຄນນອນເທົ່າທີ່ເຄີຍມີມາ, ສາມາດຈັບພາບໃນທຸກຈັງຫວະທຸກເຫດການທີ່ຕ້ອງການໄດ້ໄວທັນໃຈ ພ້ອມຟັງເຊິນການຖ່າຍພາບຕໍ່ເນື່ອງ (High-speed Burst HQ) ຊ່ວຍເກັບພາບເຄື່ອນໄຫວດ້ວຍຄວາມລະອຽດສູງສຸດ ແລະ ຄົມຂອງພາບຂະນະບັນທຶກພາບຕໍ່ເນື່ອງສູງສຸດດ້ວຍຄວາມ ໄວຢູ່ທີ່ 10 ເຟຣມຕໍ່ວິນາທີ.
Canon PowerShot G15 ໃຊ້ເລນສ໌ຮູຮັບແສງກວ້າງທີ່ສຸດເຖິງທີ່ຈະຊ່ວຍໃຫ້ການສ້າງສັນພາບຖ່າຍໃຫ້ມີຄວາມສະຫວ່າງຄົມຍິ່ງຂຶ້ນເຖິງວ່າຈະຖ່າຍພາບໃນສະພາວະທີ່ມີແສງຫນ້ອຍ ພ້ອມຮັບການຖ່າຍພາບໃນທຸກສະຖານະການ, ກໍລະນີການຖ່າຍພາບກາງຄືນກໍ່ເປັນໄປໄດ້ງ່າຍຍິ່ງຂຶ້ນເມື່ອແສງເຂົ້າສູ່ເຊັນເຊີຮັບພາບໄດ້ຫລາຍຂຶ້ນບວກກັບການຄວບຄຸມຊັດເຕີສະປີດໄດ້ຫລາຍຄ່າໂອກາດທີ່ພາບຈະມົວ (Blur) ຈາກມືສັ່ນກໍ່ຈະຫນ້ອຍລົງ ແລະ ເພີ່ມມິຕິຂອງຮູບພາບທີ່ຕ້ອງການພາບໃນແບບຫນ້າແຈ້ງຫລັງມົວໄດ້ເປັນຢ່າງດີ ແລະ ໄລຍະເລນສ໌ ມຸມກວ້າງ 28140 mm ກໍ່ເປັນສ່ວນເສີມທີ່ໃຫ້ການຖ່າຍພາບໃນທຸກມຸມມອງໂດຍສະເພາະໄລຍະເທເລໂຟໂຕ (Telephoto) ເປັນໄປຢ່າງອິດສະຫລະຍິ່ງຂຶ້ນ.
ຮູບແບບການບັນທຶກພາບຂອງ Canon PowerShot G15 ສາມາດເລືອກຟາຍລ໌ໄດ້ທັງແບບ JPEG ພາບຊະນິດມາດຕະຖານ, RAW File ຟາຍພາບດິບທີ່ບໍ່ຜ່ານຂະບວນການໃດໆ ເຮັດໃຫ້ສາມາດນຳໄປປັບແຕ່ງເພີ່ມເຕີມໄດ້ເຕັມທີ່, RAW ແລະ JPEG ທີ່ບັນທຶກພາບທັງສອງແບບພ້ອມກັນ.
Canon PowerShot G15ຍັງມາໃນຮູບລັກສະພາຍນອກທີ່ຄ້າຍຄືກັນກັບຂອງເດີມໃນກ້ອງຕະກູນ G ທີ່ເອກະລັກດ້ວຍສີດຳລ້ວນ ໃຊ້ວັດສະດຸເຄືອບຜິວຄ້າຍຄືເມັດຊາຍແຕ່ມີສ່ວນກຣິບ (Grip) ເປັນວັດສະດຸຫນັງ ແລະ ບ່ອນຮອງນິ້ວໂປ້ຫຸ້ມດ້ວຍຢາງ, ຮູບຮ່າງຕົວກ້ອງມີຂະຫນາດເຫມາະມື ມີຄວາມຍາວ 106,6 ມີລີແມັດ ສູງ 75,9ມີລີແມັດ ຫນາ 40,1ມີລີແມັດ ນ້ຳຫນັກກ້ອງ 310ກຣາມ (ນ້ຳຫນັກລວມແບັດເຕີຣີ 352ກຣາມ).
ດ້ານຫນ້າຂອງ Canon PowerShot G15 ຈັດວາງວົງແຫວນປັບຄ່າ (Font Dial) ຢູ່ເຫນືອກຣິບ, ສ່ວນຂອງຊ່ອງມອງພາບດ້ານຢູ່ໃກ້ກັບໄຟຊ່ວຍໂຟກັສ (Lamp) ເລນສ໌ກ້ອງ 28 -140 mm ອອຟຕິຄອລຊູມ 5x ແລະ ມີວົງແຫວນຮອບເລນສ໌ທີ່ສາມາດຖອດປ່ຽນໃສ່ Adapter ຫລື ອຸປະກອນເສີມຕ່າງໆໄດ້.
ດ້ານຫລັງ ຈໍສະແດງຜົນຂະຫນາດ 3 ນິ້ວ ຄວາມລະອຽດ 922.200 ພິກເຊລ ອັດຕາສ່ວນ 4:3 ຈັດວາງປຸ່ມ Direct Print (ປຸ່ມລັດຟັງເຊິນຕ່າງໆ) ຢູ່ສ່ວນເທິງທາງຊ້າຍ ມີປຸ່ມປັບຄວາມຄົມສາຍຕາຊ່ອງມອງພາບຂ້າງໆຊ່ອງພາບ (Viewfinder) ແລະ ມີປຸ່ມເບິ່ງພາບທີ່ບັນທຶກໄວ້.
ສ່ວນຂວາດ້ານຫລັງ ມີຢາງຮອງນິ້ວພັກ ພ້ອມປຸ່ມໂຫມດວິດີໂອ ຖັດລົງມາມີປຸ່ມໂຟກັສ-ປັບຂະຫນາດ (AF Fame) ແລະ ໃຊ້ເປັນປຸ່ມລຶບ ມີວົງແຫວນປັບຄ່າພາຍໃນມີປຸ່ມກົດສີ່ທິດທາງປັບຄ່າຕ່າງໆໄດ້ແກ່ ISO, ແຟລດ, Disp (ການສະແດງຜົນ), ໂຫມດໂຟກັສ (ປົກກະຕິ, ມາໂຄຣ, ແມນນວລ ໂຟກັສ) ເຄິ່ງກາງເປັນປຸ່ມ Func Set ສ່ວນລຸ່ມມີປຸ່ມວັດແສງ (ສະເລ່ຍຫມົດພາບ, ສະເລ່ຍຫນັກກາງ, ສະເພາະຈຸດ) ແລະ ປຸ່ມເມນູ.
ດ້ານຊ້າຍ ມີຊ່ອງຮ້ອຍສາຍຄ້ອງກ້ອງ ແລະ ມີຊ່ອງລຳໂພງ, ສ່ວນຊ່ອງຕ່າງໆຈະຢູ່ທາງດ້ານຂວາຂອງກ້ອງ ບໍ່ວ່າຊ່ອງຕໍ່ສາຍລັນຊັດເຕີ, ຊ່ອງ AV out/Digital ແລະ ຊ່ອງຕໍ່ສາຍ HDMI ພ້ອມຝາປິດ.
ໄຟແຟລດຖືກຈັດວາງຢູ່ດ້ານເທິງເປັນລັກສະນະປ໊ອບອັບ ພ້ອມີປຸ່ມເລື່ອນເປີດໄຟແຟລດເມື່ອຕ້ອງການໃຊ້ວຽກ ແລະ ກົດແຟລດລົງເພື່ອເກັບໄວ້ຕຳແຫນ່ງເດີມ.
ດ້ານເທິງກ້ອງມີແທ່ນສຽບແຟລດພາຍນອກ (Hot Shoe) ຖັດມາດ້ານຂວາມີແປ້ນຫມຸດເລືອກໂຫລດຖ່າຍຮູບ (Mode Dial), ແປ້ນຫມຸນປັບຄ່າຊົດເຊຍແສງ (Exposure Compensation) ປຸ່ມເປີດ-ປິດເຄື່ອງ ແລະ ມີປຸ່ມຊັດເຕີທີ່ວາງຕົວຢູ່ໃນແປ້ນຫມຸນປັບລະດັບຊູມ.
ດ້ານລຸ່ມຕົວກ້ອງມີຊ່ອງໃສ່ແບັດເຕີຣີ ແລະ ຊ່ອງສຽບຫນ່ວຍຄວາມຈຳ SD Card ພ້ອມຝາປິດ.
ເມນູຈະຮອງຮັບໄດ້ຫລາຍພາສາ ແລະ ຈະມີຫລາຍຟັງເຊິນໃຫ້ໃຊ້ງານດັ່ງນີ້:
- ສົມດຸນແສງສີຂາວ: ອັດຕະໂນມັດ, ແສງແດດ, ເມກຄຶ້ມ, ແສງທັງຫມົດສເຕນ, ຟລູອໍເຣສເຊນ, ຟລູອໍເຣສເຊນ H,ແຟລດ, ໃນນ້ຳ, ຕັ້ງຄ່າສົມດຸນແສງສີຂາວເອງ 1, ຕັ້ງຄ່າສົມດຸນແສງສີຂາວເອງ 2
- ເອຟເຟັກສີ: ໄລຍະຮັບແສງສູງພິເສດ, ຖ່າຍເປັນພາບເກົ່າ, ເລນສ໌ຕາປາ, ກ້ອງຮູເຂັມ, ກ້ອງຂອງຫລິ້ນ, ຊອຟທ໌ໂຟກັສ, ພາບສີດຽວ, ສີສົດຫລາຍໆ, ໂປສເຕີ, ສີເດັ່ນ, ປ່ຽນສີ
- ໂຫມດ SCN: ພາບບຸກຄົນ, ເຜີຍນຽນ, ຊັດເຕີອັດສະລິຍະ, ຖ່າຍພາບຕໍ່ເນື່ອງຄວາມໄວສູງ , ຖ່າຍພາບກາງຄືນໂດຍໃຊ້ມື, ໃນນ້ຳ, ຫິມະ, ດອກໄມ້ໄຟ, ພາບພາໂນຣາມາ
- ເຊັນເຊີ CMOS ຂະຫນາດໃຫຍ່ ຄວາມລະອຽດ 12,1 ລ້ານພິກເຊລ ຮອງຮັບການບັນທຶກວິດິໂອສູງສຸດ Full HD 1920 x 1080 ພິກເຊລ
ໂດຍລວມແລ້ວ Canon PowerShot G15 ເປັນທີ່ກຸ້ມຄ່າທີ່ສຸດ ຖ້າເບິ່ງໃນແງ່ຂອງປະສິດທິພາບຂອງພາບໃນບ່ອນທີ່ມີແສງຫນ້ອຍ ການປັບໄດ້ໃກ້ຄຽງກັບກ້ອງ DSLR ຕົວໃຫຍ ຈິ່ງແນະນຳສຳລັບທ່ານທີ່ອາດຈະມີຊ່ອງ ຕົວໃຫຍ່ຢູ່ແລ້ວ ແລະ ນີ້ຄືກ້ອງຕົວທີສອງທີ່ໄວ້ພົກໄປສະຖານທີ່ໃດກໍ່ຕາມ ແທນກ້ອງ DSLR ຕົວໃຫຍ່ ຫລື ເຫມາະສຳລັບທ່ານທີ່ຕ້ອງການໃຊ້ກ້ອງແບບດຽວກັບກ້ອງ DSLR ແຕ່ບໍ່ຢາກພົກພາກ້ອງ DSLR ທີ່ຕົວໃຫຍ່ເກີນຄວາມຈຳເປັນ Canon PowerShot G15 ກໍ່ເປັນທາງເລືອກທີ່ດີທີ່ສຸດ.
