Canon IXUS 100 IS ເປັນກ້ອງຄອມແພັກທີ່ມີຄວາມລະອຽດ 12,1ລ້ານພິກເຊລ ໂດດເດັ່ນໃນເລື່ອງຂອງການອອກແບບທີ່ຫລູຫລາມີເອກະລັກສະເພາະ, ຕົວເຄື່ອງບາງພຽງ 18ມີ ລີແມັດໃຫ້ພາບທີ່ມີສີສັນສົດໃສພ້ອມຊິບປະມວນຜົນແບບ DIGIC 4, ນອກຈາກນີ້ Canon IXUS 100 IS ຍັງປັບປຸງລະບົບ Auto ISO ໃຫ້ມີຄວາມແມ້ນຢຳຫລາຍຂຶ້ນ ແລະ ເພີ່ມລູກຫລິ້ນໃຫມ່ Blink Detection ເຊິ່ງເປັນລະບົບແຈ້ງເຕືອນເພື່ອຄົ້ນຫາບຸກຄົນທີ່ຫລັບ ຕາຂະນະຖ່າຍພາບ ລວມເຖິງ Smart Auto Shooting Mode ໂຫມດການຖ່າຍພາບອັດຕະໂນດມັດຄົມທຸກສະພາວະແສງມາໃຫ້ຫລິ້ນອີກດ້ວຍ.
ການອອກແບບ
ສຳລັບ Canon IXUS 100 IS ນັ້ນຖືກອອກແບບໃຫ້ມີຄວາມບາງ ແລະ ນ້ຳຫນັກທີ່ເບົາຕົວເຄື່ອງມີລັກສະນະເປັນສີ່ຫລ່ຽມລຽບເທົ່າກັນທັງຫມົດເຮັດໃຫ້ການຈັບນັ້ນອາດບໍ່ຖະຫນັດມືເທົ່າທີ່ຄວນ ດັ່ງນັ້ນ ການນຳໃຊ້ຄວນໃສ່ສາຍຄ້ອງມືໄວ້ຕະຫລອດເວລາເພື່ອປ້ອງກັນກ້ອງຫລຸດຈາກມືຂະນະຖ່າຍພາບ, ສ່ວນປຸ່ມດ້ານຫລັງນັ້ນເມື່ອນິ້ວຊີ້ວາງໃນຕຳແຫນ່ງຂອງປຸ່ມກົດຊັດເຕີ ອາດເຮັດໃຫ້ນິ້ວໂປ້ມືວາງບໍ່ພໍດີປາຍນິ້ວເມື່ອຕ້ອງການຈະເລືອກຟັງເຊິນ (Function) ການນຳໃຊ້ໄດ້ເນື່ອງຈາກຄວາມບາງຂອງຕົວເຄື່ອງເຮັດໃຫ້ປຸ່ມກົດນ້ອຍໄປນຳ.
ດ້ານຫນ້າ ຖືກອອກແບບໃຫ້ລຽບໆແຕ່ສວຍງາມເລີ່ມຈາກຊ້າຍມືມີສັນຍະລັກ Canon Digital IXUS 100 IS ຢູ່ລວມກັນທາງຕຳແຫນ່ງຊ້າຍມືທັງຫມົດ, ສ່ວນທາງດ້ານຂວາມືເລີ່ມ ຈາກເທິງສຸດເປັນຊ່ອງມອງພາບ, ໄຟຊອກຫາໂຟກັສ ແລະ ໄຟແຟລດຢູ່ໃນລະດັບດຽວກັນ,ລຸ່ມລົງມາເປັນເລນສ໌ມີສັນຍະລັກວ່າ Ca non Zoom Lens 3xIS ຖັດໄປອີກໃນລະດັບດຽວກັນມີຕົວຫນັງສືຂຽນບອກຄວາມລະອຽດຂອງ CCD ຢູ່ທີ່ 12.1 MEGA PIXELS.
ດ້ານເທິງຈາກຊ້າຍສຸດມີຕົວຫນັງສືຂຽນວ່າ IMAGE STABILIZER (ລະບົບກັນສັ່ນ) ສ່ວນກ້ອງຕົວຫນັງສືມີຮູລຳໂພງຢູ່ 3 ຮູ້ດ້ວຍກັນໃຫ້ສຽງດັງຟັງແຈ້ງດີ, ຖັດມາເປັນປຸ່ມເປີດ-ປິດ ແລະ ສຸດທ້າຍເປັນປຸ່ມຊັດເຕີ ໂດຍມີວົງແຫວນຊູມຊ້ອນຢູ່ພາຍນອກໃນການນຳໃຊ້ຕົວຈິງເນື່ອງຈາກປຸ່ມຊັດເຕີລຽບ ແລະ ແປ ເຮັດໃຫ້ຕ້ອງໃຊ້ປາຍນິ້ວຊີ້ງັດເວລາຕ້ອງການຖ່າຍພາບ ແຕ່ນ້ຳຫນັກກໍ່ຖືກຕັ້ງມາແບບພໍດີບໍ່ເລິກ ຫລື ຕື້ນຈົນເຮັດໃຫ້ກົດງ່າຍເກີນໄປ, ສ່ວນວົງແຫວນຊູມນັ້ນອາດໃຊ້ຍາກເນື່ອງຈາກມີຂະຫນາດນ້ອຍເຮັດໃຫ້ຫລຸດມືຢູ່ຕະຫລອດຂະນະຊູມເມື່ອ ຕ້ອງການຖ່າຍພາບ.
ດ້ານຫລັງ ສິ່ງທີ່ເດັ່ນທີ່ສຸດຄືຈໍແອລຊີດີ (LCD) ຂະຫນາດ 2,5 ນິ້ວ ແບບ PureColor II LCD ໃຫ້ສີສັນຊັດເຈນເບິ່ງສະບາຍຕາ, ເຫນືອຂຶ້ນໄປຊ້າຍມືມີສັນຍະລັກ Canon ທີ່ໂດດເດັ່ນຊ່ວຍເພີ່ມຄວາມສວຍງາມໄດ້ບໍ່ຫນ້ອຍ, ຖັດໄປທາງຂວາມືມີໄຟສຳລັບບອກສະຖານະການບັບເຟີກ໊າດຫລັງຈາກຖ່າຍພາບ (ສີຂຽວ) ແລະ ຈະປ່ຽນເປັນສີສົ້ມເພື່ອສະແດງ ຄວາມພ້ອມຂອງການໃຊ້ແຟລດ, ອີກສ່ວນສຳຄັນທີ່ຢູ່ດ້ານເທິງຄືວິວຟາຍເດີ ແລະ ຜອດສຳລັບສຽບສາຍ A/V OUT ແລະ HDMI ລຸ່ມລົງມາຈະພົບກັບປຸ່ມຄວບຄົມການເຮັດວຽກຖືກວາງໄວ້ດ້ານຂວາມືທັງຫມົດເລີ່ມຈາກປຸ່ມທຳອິດຊ້າຍເທິງສຸດເປັນປຸ່ມສຳລັບພຣີວິວພາບໃນລະດັບດຽວກັນເປັນປຸ່ມສຳລັບເລືອກຖ່າຍໂຫມດ Auto, ໂຫມດ P ແລະ ໂຫມດຖ່າຍພາບເຄື່ອນໄຫວ, ຖັດລົງມາເປັນປຸ່ມຄວບຄຸມ 5 ທິດທາງ ໂດຍແຕ່ລະປຸ່ມສາມາດເລືອກເພື່ອເຂົ້າສູ່ເມນູລັດໄດ້ເລີ່ມຈາກປຸ່ມເທິງໃຊ້ສຳລັບລັດເຂົ້າສູ່ໂຫມດການຊົດເຊີຍແສງ (ເລືອກໄດ້ສູງສຸດຄື -2/+2) ປຸ່ມຊ້າຍໃຊ້ເຂົ້າສູ່ໂຫມດມາໂຄຣ, ປຸ່ມກາງໃຊ້ເຂົ້າສູ່ການເລືອກຕັ້ງຄ່າຕ່າງໆເລີ່ມຈາກເທິງສຸດ ISO ມີໃຫ້ເລືອກຕັ້ງແຕ່ AUTO, 80, 100, 200, 400, 800 ແລະ 1600.
ຖັດມາເປັນການຕັ້ງຄ່າ White Balance ມີໃຫ້ເລືອກທັງຫມົດ 7ເມນູໄດ້ແກ່ AUTO, ແສງແດດ, ເມກຄຶ້ມ, ແສງທັງສະແຕນ, ແສງຟລູອໍເຣສເຊັນ, ແສງຟລູອໍເຣສເຊັນ H ແລະ ກຳນົດເອງ, ຕໍ່ມາເປັນການຕັ້ງຄ່າສີມີສີສົດໃສ, ສີທຳມະຊາດ, ສີນ້ຳຕານ, ສີຂາວດຳ, ສີຟີມສະໄລ, ສີຜິວອ່ອນ, ສີຜິວເຂັ້ມ, ສີຟ້າເຂັ້ມ, ສີຂຽວເຂັ້ມ, ສີແດງເຂັ້ມ ແລະ ກຳນົດເອງ, ຖັດມາອີກຫນ້ອຍຫນຶ່ງເປັນການຕັ້ງຄ່າລະບົບວັດແສງມີໃຫ້ເລືອກຕັ້ງແຕ່ວັດແສງແບບສະເລ່ຍທັງພາບ, ສະເລ່ຍຫນັກກາງ ແລະ ແບບສະເພາະຈຸດ, ຖັດມາເປັນການຕັ້ງຄ່າການຖ່າຍພາບແບບເທື່ອລະພາບ ແລະ ຖ່າຍແບບຕໍ່ເນື່ອງ ສຸດທ້າຍເປັນການຕັ້ງຄ່າຂະຫນາດ ແລະ ຄວາມລະອຽດຂອງຟາຍລ໌ພາບເລີ່ມຈາກຂະຫນາດ L ຄວາມ ລະອຽດ 12ລ້ານພິກເຊລ ຂະຫນາດພາບ 4000x3000, M1 ຄວາມລະອຽດ 8ລ້ານພິກເຊລ ຂະຫນາດພາບ 3264x2448, M2ຄວາມລະອຽດ 5ລ້ານພິກເຊລ ຂະຫນາດພາບ 2592x 1944, M3ຄວາມລະອຽດ 2 ລ້ານພິກເຊລ ຂະຫນາດພາບ 1600x1200, S ຄວາມລະອຽດ 0,3ລ້ານພິກເຊລ ຂະຫນາດພາບ 640x480ແລະ ສຸດທ້າຍຖ່າຍພາບມຸມກວ້າງຂະຫນາດພາບ 4000x2248.
ປຸ່ມສຸດທ້າຍແຕ່ບໍ່ແມ່ນທ້າຍສຸດຂອງປຸ່ມຄວບຄຸມແບບ 5 ທິດທາງ ປຸ່ມລຸ່ມໃຊ້ສຳລັບເຂົ້າສູ່ໂຫມດຕັ້ງເວລາຖ່າຍພາບມີໃຫ້ເລືອກໃຊ້ຕັ້ງແຕ່ 10 ວິນາທີ, 2 ວິນາທີ, ຖ່າຍແບບຄົ້ນຫາໃບຫນ້າ 3 ພາບ ແລະ 10 ວິນາທີຖ່າຍ 3 ພາບ ມາເຖິງ 2 ປຸ່ມລຸ່ມສຸດທ້າຍຂອງຕົວເຄື່ອງເລີ່ມຈາກປຸ່ມທຳອິດປຸ່ມ DISP ໃຊ້ສຳລັບກຳນົດຫນ້າຈໍແອລຊີດີວ່າຈະເປີດຫລື ປິດ ແຕ່ຫາກຕ້ອງການປະຢັດພະລັງງານແບັດເຕີຣີກໍ່ສາມາດປິດຫນ້າຈໍແອລຊີດີ ແລະ ຖ່າຍພາບຈາກວິວຟາຍເດີໄດ້ເຊັ່ນກັນ, ສ່ວນປຸ່ມສຸດທ້າຍເປັນປຸ່ມສຳລັບຕັ້ງຄ່າການໃຊ້ວຽກຕ່າງໆຂອງຕົວເຄື່ອງ.
ດ້ານຊ້າຍ ຕົວເຄື່ອງດ້ານຊ້າຍມືຖືປ່ອຍປະໄວ້ບໍ່ມີຫຍັງ ມີພຽງແຕ່ນ໋ອດຢຶດໄວ້ 2 ຕົວທາງດ້ານເທິງ ແລະ ລຸ່ມຂອງຕົວເຄື່ອງເທົ່ານັ້ນ.
ດ້ານຂວາ ສ່ວນຕົວເຄື່ອງດ້ານຂວາກໍ່ປະໄວ້ເຊັ່ນກັນ ແຕ່ມີຊ່ອງສຳລັບຮ້ອຍສາຍຄ້ອງຂໍ້ມືຢູ່ເຄິ່ງກາງລະຫວ່າງນ໋ອດ 2 ຕົວ.
ດ້ານລຸ່ມ ຈຸດເຄິ່ງກາງຂອງຕົວເຄື່ອງມີຊ່ອງສຳລັບໃສ່ຂາຕັ້ງກ້ອງຂະຫນາດມາດຕະຖານ ສ່ວນຝາປິດແບັດເຕີຣີຈະຢູ່ດ້ານຂວາມືຂອງຕົວເຄື່ອງເມື່ອເປີດຝາອອກຈະພົບແບັດເຕີຣີ Liion ຂະຫນາດ 760 mAh ແລະ ກ໊າດຫນ່ວຍຄວາມຈຳແບບ SD ກ໊າດ, ໃນດ້ານການອອກແບບຝາປິດແບັດເຕີຣີນັ້ນ ເຮັດໄດ້ດີສາມາດປິດໄດ້ສະຫນິດ ແລະ ຍັງມີແຜ່ນຢາງລັກສະນະມົນແປເປັນຈຸດກຳນົດຝາປິດອອກເພື່ອງ່າຍຕໍ່ການໃຊ້ວຽກຫລາຍຂຶ້ນ.
ສະຫລຸບ
ຫາກກຳລັງຊອກຫາກ້ອງດິຈິຕອລທີ່ມີການອອກແບບຫລູຫລາ, IXUS 100 IS ມີເອກະລັກສະເພາະເຊິ່ງບໍ່ໄດ້ເນັ້ນການນຳໃຊ້ຫລາຍປານໃດ ອາດຕອບໂຈດໄດ້ທັງຟັງເຊິນໃຫມ່ໆທີ່ຫນ້າສົນໃຈເຊັ່ນ “Blink Detection”ຫລື ການປັບປຸງ ISO ໃຫ້ມີຄວາມແມ້ນຢຳຫລາຍຂຶ້ນ ນອກຈາກນີ້ ຍັງມີ “Smart Auto Shooting Mode” ໂຫມດການຖ່າຍພາບອັດຕະໂນມັດຄົມທຸກສະພາວະແສງມາໃຫ້ອີກ ຮຽກໄດ້ວ່າເປັນກ້ອງຄອມແພັກຄຸນນະພາບອີກອັນຫນຶ່ງຈາກແຄນນອນ ທີ່ຫລາຍຄົນກຳລັງຊອກຫາກວ່າໄດ້
ຊົມເຊີຍ
- ຊິບປະມວນຜົນແບບ DIGIC 4ຊ່ວຍໃນການປະມວນຜົນໄດ້ແມ້ນຢຳດີ
- ລະບົບ Blink Detection ທີ່ຊ່ວຍໃນການແຈ້ງເຕືອນເພື່ອຄົ້ນຫາບຸກຄົນທີ່ຫລັບຕາຂະນະຖ່າຍພາບ
- ໂຫມດ Smart Auto Shooting Mode ກໍ່ເປັນອີກຫນຶ່ງຈຸດທີ່ຫນ້າສົນໃຈ
ຕຳຫນິ
- ຕົວເຄື່ອງເຖິງວ່າຈະມີການອອກແບບໄດ້ສວຍງາມແຕ່ວັດສະດຸຍັງໃຊ້ພລາສຕິກເປັນສ່ວນໃຫຍ່
- ເມື່ອເປີດເຄື່ອງໃຊ້ວຽກຕໍ່ເນື່ອງດົນໆຈະມີອາການຮ້ອນແບບສຳຜັດໄດ້
- ແບັດເຕີຣີທີ່ໃຫ້ມາຍັງບໍ່ພຽງ ພໍກັບຄວາມຕ້ອງການ.