ຈາກແນວຄິດໃນການຜະລິດກ້ອງຮຸ່ນໃໝ່ໃຫ້ຕອບໂຈດການນຳໃຊ້ຂອງນັກຖ່າຍພາບຍຸກດິຈິຕອລທີ່ໄປໃສມາໃສຕ້ອງພົກກ້ອງໄປທຸກສະຖານທີ່, ພົກພາສະດວກ, ໃຊ້ວຽກງ່າຍໆ, ຖ່າຍພາບ ໄດ້ທຸກສະຖານະການ ແລະ ທີ່ສຳຄັນສຸດໆຄືຕ້ອງການຟາຍລ໌ພາບທີ່ມີຄຸນນະພາບເປັນເລີດ Canon EOSM ຈິ່ງເກີດຂຶ້ນເພື່ອຕອບສະໜອງການໃຊ້ວຽກທີ່ຫຼາກຫຼາຍຂອງກຸ່ມຜູ້ຮັກການຖ່າຍພາບ ທັງຊາຍໜຸ່ມຍິງສາວທັນສະໄໝບໍ່ວ່າຈະເປັນມືໃໝ່ ຫຼື ມືເກົ່າກໍ່ສຳ ຜັດກັບນະວັດຕະກຳລະດັບສຸດ ຍອດນີ້ໄດ້.
Canon EOS M ໄດ້ຮັບແຮງບັນດານໃຈຫຼາຍຈາກສຽງ ຂອງຜູ້ໃຊ້ກ້ອງ ເຊິ່ງຕ້ອງການຮູບແບບກ້ອງທີ່ມີຂະໜາດນ້ອຍ ກະທັດຮັດໃຫ້ຄວາມຄ່ອງຕົວເມື່ອ ໃຊ້ວຽກອອກແບບສວຍງາມໜ້າໃຊ້ມີຟັງເຊິນການເຮັດວຽກແບບຕ່າງໆແຕ່ມີປະສິດທິພາບ ດັ່ງກ້ອງ DSLR ແລະ ຜູ້ໃຊ້ ກ້ອງ DSLR ຢູ່ແລ້ວ ຍັງສ້າງຄວາມຄຸ້ນເຄີຍກັບການເຮັດວຽກຂອງກ້ອງໄດ້ບໍ່ຍາກ ແຕ່ເໜືອສິ່ງອື່ນໃດແລ້ວ Canon EOS M ນັ້ນຈະເຮັດໃຫ້ທ່ານສາມາດເຂົ້າ ເຖິງອາລົມຂອງຜູ້ຄົນ ແລະ ສະຖານທີ່ທີ່ກ້ອງຕົວໃຫຍ່ບໍ່ສາມາດ ຍ່າງຜ່ານເຂົ້າໄປໄດ້ ເພາະກ້ອງຕົວໃຫມ່ຈະເປັນຈຸດເດັ່ນໃຫ້ຜູ້ຄົນ ຫັນມາສົນໃຈກ້ອງຂອງທ່ານແທນນັ້ນເອງ.
ດ້ວຍນະວັດຕະກຳແຫ່ງອະນາຄົດເພື່ອພາບທີ່ສົມບູນແບບນັ້ນກໍ່ຄືເຊັນເຊີ CMOS ຂະໜາດ APSC ໃຫ້ຄວາມລະອຽດ 18 ລ້ານພິກເຊລ ທີ່ເຮັດວຽກປະສົມ ປະສານກັບຊິບປະມວນຜົນຮຸ່ນ ໃໝ່ຫຼ້າສຸດ DIGIC 5 ທີ່ເຮັດວຽກຮ່ວມກັນໄດ້ຢ່າງລົງຕົວຫຼຸດສັນຍານລົບກວນພາບໄດ້ດີຍິ່ງຂຶ້ນມາພ້ອມກັບ Highspeed amp ທີ່ໃຊ້ກຳລັງໄຟຕ່ຳລົງ ແລະ ການ ອ່ານຄ່າດ້ວຍ Highspeed 4 channel ຊ່ວຍຫຼຸດການໃຊ້ພະລັງງານເຮັດໃຫ້ສາມາດຖ່າຍພາບຕໍ່ ເນື່ອງໄດ້ 4,3 ເຟຣມຕໍ່ວິນາທີ ແລະ Burst Mode ໃຫ້ພາບ 15 ພາບ (17) JPEG/6 RAW ເມື່ອໃຊ້ກາຣດແບບ UHSI SD HC ແລະ SDXC ໃຫ້ ISO ສູງເຖິງ 12800 ແລະ ຂະຫຍາຍ ໄດ້ສູງສຸດເຖິງ 25600 ມີລະບົບ Multishot Noise Reduction ເຊິ່ງຈະບັນທຶກພາບ 4 ພາບ ແບບຕໍ່ເນື່ອງ ແລະ ກ້ອງຈະເລືອກພາບທີ່ດີທີ່ສຸດພຽງພາບດຽວ ບໍ່ຕ້ອງເປັນຫ່ວງກັບພາບທີ່ບໍ່ຊັດເຈນເມື່ອຖ່າຍໃນສະຖານທີ່ທີ່ມີແສງຫນ້ອຍອີກຕໍ່ໄປ.
ຂ້າມທຸກຂີດຄວາມຈຳກັດທີ່ສາມາດປ່ຽນເລນສ໌ໄດ້: ຂໍ້ຈຳກັດຂອງກ້ອງຄອມແພັກອັນໜຶ່ງຄືບໍ່ສາມາດປ່ຽນເລນສ໌ໄດ້ ແຕ່ສຳລັບ EOS M ທີ່ມີຮູບຮ່າງກະທັດຮັດພົກພາສະດວກເຊັ່ນດຽວກັບກ້ອງຄອມແພັກໄດ້ກ້າວຂ້າມຜ່ານຂໍ້ຈຳກັດນີ້ດ້ວຍເມົາສເລນສຮູບແບບໃໝ່ທີ່ EF-M ມີຂະໜາດພຽງແຕ່ 58 ມີລີແມັດ ເຊິ່ງມີຂະໜາດນ້ອຍກວ່າເມົາສເລນສ໌ EF ແບບເດີມ ເຮັດໃຫ້ຕົວເລນສ໌ມີຂະໜາດນ້ອຍ ແລະ ນ້ຳໜັກເບົາສະດວກໃນການພົກພາ ໂດຍເລນສ໌ຮຸ່ນໃຫມ່ນີ້ຍັງມາພ້ອມເຕັກໂນໂລຊີຫລ້າສຸດ STM ດ້ວຍການໃຊ້ Stepping Motor ໃນການຂັບເຄື່ອນຕົວເລນສ໌ຊ່ວຍໃຫ້ລະບົບໂຟກັສອັດຕະໂນມັດເຮັດໄດ້ແບບບໍ່ມີສະດຸດ ຂະນະກຳລັງບັນທຶກພາບເຄື່ອນໄຫວເຮັດວຽກຢ່າງມີປະສິດທິພາບຄວບຄູ່ໄປກັບ Movie Servo AF ໃຫ້ພາບທີ່ຄົມທຸກໄລຍະຂອງການຊູມ ແລະ ປັດສະຈາກສຽງລົບກວນຈາກເລນສ໌ໃນ ຂະນະບັນທຶກພາບເຄື່ອນໄຫວຊ່ວຍໃຫ້ການຖ່າຍພາບເຄື່ອນໄຫວສົມບູນແບບຍິ່ງຂຶ້ນເລີ່ມຕົ້ນເປີດຕົວອອກມາພ້ອມກັນ 2 ຮຸ່ນ ໄດ້ແກ່ EFM 18-55mm f/3.5-5.6IS STM ທີ່ມີລະບົບປ້ອງກັນການສັ່ນໄຫວທີ່ຊ່ວຍຫຼຸດການສັ່ນໄຫວຂອງພາບໄດ້ຫຼາຍເຖິງ 4 ສະຕ໋ອບ ເມື່ອຕ້ອງໃຊ້ວຽກໃນໂຫມດບັນທຶກພາບເຄື່ອນໄຫວກ້ອງຈະປ່ຽນເປັນ Dynamic Images Stabilizer ເພື່ອຊ່ວຍຫຼຸດການສັ່ນໄຫວໃນຂະນະກຳລັງຍ່າງຖ່າຍພາບ ແລະ EF-M 22mm f/2 STM ທີ່ ໃຫ້ຮູຮັບແສງທີ່ກວ້າງເຖິງ f/2 ສ່ວນຜູ້ທີ່ມີເລນສ໌ໃນຕະກູນ EF ແລະ EFS ແລ້ວ ສາມາດນຳມາໃຊ້ວຽກຮ່ວມກັບ EOS M ໄດ້ຜ່ານ Mount Adapter EF-EOS M ເຊິ່ງຈະບໍ່ເຮັດໃຫ້ຄຸນນະພາບຂອງພາບຫຼຸດລົງອັດຕາການຄູນທາງຍາວໂຟກັສ 1,6 ເທົ່າເໝືອນເດີມ ແລະ ຍັງສາມາດໃຊ້ວຽກລະບົບໂອໂຕໂຟກັສໄດ້ ນອກຈາກນີ້ ຍັງມີແຟລດຂະໜາດກະທັດຮັດ Speedlite 90EX ມາເພີ່ມສັກກະຍະພາບໃຫ້ກ້ອງຂອງທ່ານອີກດ້ວຍ.
ທັນສະໄໝດ້ວຍຈໍແອລຊີດີແບບສຳຜັດ: ດ້ວຍກະແສຄວາມຮ້ອນແຮງຂອງລະບົບສຳຜັດເຮັດໃຫ້ລະບົບນີ້ເຂົ້າມາມີບົດບາດຫຼາຍຂຶ້ນ ທັງໂທລະສັບມືຖື ແລະ ກ້ອງດິຈິຕອລທີ່ຕ້ອງມີໜ້າຈໍເພື່ອຮອງຮັບການໃຊ້ງານ ໂດຍໃນຮຸ່ນທຳອິດລະບົບການເຮັດວຽກຂອງໜ້າຈໍສຳຜັດເປັນແບບ Resistive ເຊິ່ງເລເຢີດ້ານເທິງຈະມີຄວາມຫົດຢືດສ່ວນດ້ານລຸ່ມຈະເປັນພື້ນແຂງລະຫວ່າງ 2 ເລເຢີ ຈະມີມັດແນວກັ້ນເພື່ອບໍ່ໃຫ້ເລເຢີທີ່ເຄືອບດ້ວຍສານຕົວນຳໄຟຟ້າມາສຳຜັດກັນເມື່ອທ່ານໃຊ້ວຽກດ້ວຍການກົດໄປທີ່ຫນ້າຈໍຂອງເລເຢີດ້ານເທິງເມັດກັ້ນຈະກົດຕໍ່ໄປທີ່ເລເຢີດ້ານລຸ່ມ ໂດຍມີສານຕົວນຳໄຟຟ້າທີ່ເຄືອບທັງສອງເລເຢີທີ່ມີຄຸນສົມບັດໂປ່ງແສງເປັນຕົວເຊື່ອມທັງຫມົດເຂົ້າດ້ວຍກັນວົງຈອນຄວບຄຸມຈະຄຳນວນກະແສໄຟຟ້າໃຫ້ແຕກຕ່າງກັນໄປຕາມລວງຕັ້ງ ແລະ ລວງນອນຂອງຕຳແຫນ່ງທີ່ຖືກສຳຜັດ ເຊິ່ງໜ້າຈໍໃນລັກສະນະນີ້ຈະໃຊ້ນິ້ວມື ຫຼື ອຸປະກອນອື່ນໆມາໃຊ້ສຳຜັດກໍ່ໄດ້ເຮັດວຽກດ້ວຍແຮງກົດຂອງມືຖ້ານ້ຳໜັກໃນການກົດບໍ່ພຽງພໍກໍ່ຈະບໍ່ ຕ້ອງສະໜອງ.
ຕໍ່ມາຈິ່ງມີການພັດທະນາໃຫ້ເປັນແບບ Capacitive ເພື່ອໃຫ້ຕອບສະໜອງການເຮັດວຽກໄດ້ຢ່າງວ່ອງໄວຂຶ້ນໂຄງສ້າງປະກອບດ້ວຍໂລຫະແບບໂປ່ງແສງຈະເກີດແຮງດັນໄຟຟ້າທັງສີ່ມຸມຂອງໜ້າຈໍ ເພື່ອສ້າງສະໜາມແມ່ເຫຼັກເຮັດໃຫ້ເກີດຄວາມສະໝ່ຳສະເໝີທັງຫນ້າຈໍເຮັດໃຫ້ບໍ່ຕ້ອງໃຊ້ແຮງກົດເໜືອຈໍສຳຜັດແບບເກົ່າຈາກນັ້ນຈະດຶງກະແສໄຟຟ້າຈາກ ແຕ່ລະມຸມ ແລະ ວົງຈອນຄວບຄຸມຈະຄຳນວນຕຳແຫນ່ງທີ່ຖືກສຳຜັດເຊັ່ນດຽວກັບລະບົບສຳຜັດໜ້າຈໍໃນສະມາດໂຟນ ແລະ ແທັບເລັດລະດັບໄຮເອັນ.
ລະບົບ Capacitive ໃຊ້ວຽກງ່າຍພຽງແຕ່ EOS M ກໍ່ເຮັດໃຫ້ຊີວິດທ່ານງ່າຍໄດ້ກັບຈໍແອລຊີດີຂະໜາດ 3 ນິ້ວ ລະບົບ Multi-touch (Capacitive Sensing)ໃຊ້ວຽກງ່າຍ ຕອບສະໜອງການສຳຜັດໄດ້ຢ່າງທັນໃຈທຸກສະຖານະການລະບົບ Touch interface ໃຫ້ທ່ານເລືອກເມນູປັບຄ່າຕັ້ງການເຮັດວຽກຂອງກ້ອງຫຍໍ້-ຂະຫຍາຍ ແລະ ເລື່ອນເບິ່ງພາບໄດ້ພຽງປາຍນິ້ວສຳຜັດ ນອກຈາກນີ້ຍັງມີລະບົບ Touch AF (ສຳຜັດເພື່ອເລືອກຈຸດໂອໂຕໂຟກັສ) ແລະ Touch Shutter.
ເພີ່ມການໂຟກັສໃຫ້ແມ້ນຢຳດ້ວຍລະບົບ Hybrid CMOS AF:ເຕັກໂນໂລຊີ Hybrid CMOS AF ທີ່ຝັງລະບົບໂຟກັສໄວ້ໃນເຊັນເຊີຮັບພາບ ຈະຊ່ວຍປ່ຽນບັນຫາເດີມໆຂອງລະບົບໂຟກັສໃນໂໝດ Live View ໃຫ້ວ່ອງໄວຂຶ້ນເໜືອກວ່າກ້ອງທົ່ວໄປເຖິງ 2ເທົ່າແບບອັດຕະໂນມັດເມື່ອວັດຖຸຢູ່ໃນໄລຍະໂຟກັສ ໂດຍມີທັງລະບົບຈັບໂຟກັສແບບ Phase Difference AF ແລະ Contrast AF ໃນໜຶ່ງດຽວ ບໍ່ວ່າທ່ານຈະໃຊ້ວຽກໃນໂໝດ Live View ຫຼື ກຳລັງບັນທຶກພາບເຄື່ອນໄຫວ ລະບົບຈັບໂຟກັສທັງສອງແບບຈະເຮັດວຽກໂດຍອັດຕະໂນມັດລວມກັນ ເພື່ອຈັບໂຟກັສໄດ້ຢ່າງວ່ອງໄວ ແລະ ແມ້ນຢຳ ພ້ອມຖ່າຍພາບທຸກສະຖານະການ.
ຕົວຊ່ວຍສຳລັບມືໃໝ່ Scene Intelligent Auto ເພື່ອພາບທີ່ດີທີ່ສຸດ: ບໍ່ຕ້ອງກັງວົນຖ້າທ່ານເປັນຊ່າງຖ່າຍຮູບມືໃໝ່ Scene Intelligent Auto ໂໝດຖ່າຍພາບນີ້ຈະເຮັດໃຫ້ທ່ານສາມາດຖ່າຍພາບແບບມືອາຊີບໄດ້ໂດຍກ້ອງຈະທຳການປັບຕັ້ງຄ່າໃຫ້ອັດຕະໂນມັດເໝາະກັບແຕ່ລະສະຖານະການທີ່ທ່ານຕ້ອງພົບພໍ້ໃນແຕ່ລະວັນ ເມື່ອທ່ານຖ່າຍພາບພໍຣເທຣດ ກ້ອງຈະປັບສາກຫຼັງໃຫ້ມົວ (Blur) ເພື່ອເນັ້ນຕົວແບບໃຫ້ໂດດເດັ່ນທີ່ສຸດ ເມື່ອຖ່າຍພາບວັດຖຸທີ່ມີການເຄື່ອນໄຫວ ກ້ອງກໍ່ຈະປັບຄວາມໄວຊັດເຕີໃຫ້ເພີ່ມຂຶ້ນອັດຕະໂນມັດ ສຳລັບການຖ່າຍພາບກາງຄືນ ກ້ອງຈະກວດກາວ່າທ່ານໃຊ້ຮ່ວມກັບຂາຕັ້ງກ້ອງ ຫຼື ບໍ່ ແລະ ຈະປັບຕັ້ງຄ່າເພື່ອໃຫ້ໄດ້ພາບທີ່ສວຍງາມທີ່ສຸດ.
HDR Backlight Control ແລະ Handheld Night Scene Mode ຜູ້ຊ່ວຍໃນການຖ່າຍພາບທີ່ເຮັດໃຫ້ທຸກພາບສວຍງາມແບບມືອາຊີບ:ບໍ່ວ່າໃຜກໍ່ສາມາດຖ່າຍພາບໃນສະພາວະແສງໜ້ອຍ ຫຼື ໃນເວລາກາງຄືນໄດ້ດ້ວຍໂຫມດຖ່າຍພາບ HDR Backlight Control ຄວບຄຸມການບັນທຶກພາບແບບຢ້ອນແສງ ຫຼື ມີຄວາມແຕກຕ່າງຂອງປະລິມານແສງໃນແຕ່ລະສ່ວນຂອງພາບຫຼາຍ ໂດຍກ້ອງຈະທຳການຖ່າຍພາບ 3ພາບທີ່ຕ່າງຄ່າແສງກັນ ແລະ ນຳມາລວມກັນເປັນພາບທີ່ສົມບູນແບບທີ່ສຸດພຽງພາບດຽວ, ນອກຈາກນີ້ ຍັງມີໂໝດ Handheld Night Scene Mode ທີ່ຊ່ວຍໃຫ້ທ່ານບັນທຶກພາບຍາມຄ່ຳຄືນໄດ້ຢ່າງສວຍງາມ ເຖິງວ່າບໍ່ມີຂາຕັ້ງກ້ອງກໍ່ຕາມ.
ປັບຮູບແບບໃຫ້ກັບພາບຢ່າງ ເໜືອລະດັບດ້ວຍ Picture Style Auto:ລະບົບ EOS Scene Detection ຈະປັບຮູບແບບໃຫ້ກັບພາບຖ່າຍຂອງທ່ານໂດຍລະບົບຈະທຳການວິເຄາະພາບອັດຕະໂນມັດ ແລະ ຈະຊ່ວຍປັບສີໃຫ້ສົດໃສ ຫຼື ນຸ່ມນວນ ເພື່ອໃຫ້ ເໝາະກັບບັນຍາກາດໃນພາບຫຼາຍທີ່ສຸດ ໃຫ້ພາບມີສີທີ່ງາມສົມຈິງ ບໍ່ວ່າຈະເປັນໄລຍະຕາເວັນກຳລັງຕົກດິນລັບຫຼ່ຽມພູ ຫຼື ຟອງທະເລມາກະທົບກັບຫາດຊາຍເປັ່ງແສງຍິບຍັບທຸກຄວາມຊົງຈຳດີໆໃນອະດີດກັບມາທຸກຄັ້ງທີ່ທ່ານເຫັນພາບ.
ຮຽບຮຽງໂດຍ: ອ.ອິນເຕີ
ສະໜຸກໄປກັບ 7 ລູກຫຼິ້ນໃໝ່: ລູກຫຼິ້ນທີ່ຈະເຮັດໃຫ້ທ່ານມີຄວາມສຸກໄປກັບການຖ່າຍພາບຍິ່ງ ຂຶ້ນດ້ວຍ Creative filters ທີ່ໄດ້ຮັບການປັບປຸງໃໝ່ທັງ 7 ຮູບແບບໄດ້ ແກ່ Grainy B&W, Soft focus, Toy camera effect, Miniature, Art Bold, Water Painting effect ແລະ Fisheye effect ສາມາດເລືອກຮູບແບບການຖ່າຍພາບໄດ້ທັງແບບ ແລະ ຟິລເຕີແຕ່ລະຊະນິດປັບແຕ່ງ ໄດ້ຢ່າງອິດສະຫຼະພຽງເທົ່ານີ້ກໍ່່ປ່ຽນການຖ່າຍພາບປົກກະຕິໃຫ້ມີ ຊີວິດຊີວາຫຼາຍຍິ່ງຂຶ້ນ ໂດຍບໍ່ບັນທຶກຊ້ໍາລົງຕົ້ນສະບັບ.
ສົມບູນແບບດ້ວຍຄຸນນະພາບລະດັບ Full HD ກັບ EOS Movie: ທ່ານສາມາດສ້າງພາບເຄື່ອນໄຫວໃນລະດັບມືອາຊີບໄດ້ດ້ວຍຕົວທ່ານເອງ ກັບເຕັກໂນໂລຊີທີ່ແຄນນອນພັດທະນາຂຶ້ນ ເພື່ອໃຫ້ການບັນທຶກພາບເຄື່ອນໄຫວເປັນໄປຢ່າງສົມບູນແບບທີ່ສຸດ ບໍ່ວ່າຈະເປັນລະບົບໂຟກັສເໝາະສໍາລັບການບັນທຶກພາບເຄື່ອນໄຫວ ໂດຍສະເພາະ Movie Servo AF ພ້ອມ Face Tracking ທີ່ຈະຈັບໂຟກັສແບບຕິດຕາມວັດຖຸອັດຕະໂນມັດໃນຂະນະທີ່ບັນທຶກ ພາບເຄື່ອນໄຫວໄດ້ຢ່າງຕໍ່ເນື່ອງ ແລະ ແມ້ນຢຳໃຫ້ພາບຄົມດັ່ງມືອາຊີບ ແລະ ຟັງເຊິນປັບຕັ້ງຄ່າແສງໄດ້ເອງແບບແມນນວລ (Manual).
ນອກຈາກນີ້ EOS M ຍັງມີ VDO Snapshot ທີ່ຮັບການສຶກສາຄົ້ນຄວ້າມາແລ້ວວ່າເປັນເຕັກນິກແບບດຽວກັບມື ອາຊີບທີ່ໃຊ້ວຽກຄືການຖ່າຍພາບເຄື່ອນໄຫວ ເພື່ອໃຫ້ໄດ້ພາບທີ່ມີຄວາມໜ້າສົນໃຈນັ້ນບໍ່ຄວນໃຊ້ໄລຍະເວລາຕໍ່ ຄລິບຍາວເກີນ 8 ວິນາທີຕໍ່ໜຶ່ງສາກອາດຈະ 2 ຫຼື 4 ວິນາທີຕໍ່ໜຶ່ງສາກກໍ່ໄດ້ ຈາກນັ້ນ ນໍາຄລິບທັງ ໝົດມາຕັດຕໍ່ລຽງລໍາດັບນໍາມາ ລວມເປັນຟາຍລ໌ດຽວກັນ ແລະ ໃສ່ເພງປະກອບໄດ້ໃຫ້ຄຸນນະພາບ ຟາຍລ໌ໃນລະດັບມືອາຊີບ ໂດຍສາມາດເຮັດທັງໝົດນີ້ໄດ້ພາຍໃນກ້ອງຕົວດຽວໂດຍບໍ່ຕ້ອງງໍ້ ຄອມພິວເຕີໃຫ້ຄຸນນະພາບສຽງຄົມດ້ວຍໄມໂຄຣໂຟນແບບ Stereo Sound ແລະ ຍັງເຊື່ອມຕໍ່ໄມໂຄຣໂຟນພາຍນອກເພື່ອຄຸນນະພາບທີ່ດີຂຶ້ນໄດ້ອີກ ດ້ວຍ.
ການອອກແບບທີ່ກະທັດຮັດພົກພາສະດວກໄປໄດ້ທຸກສະຖານທີ່: ນອກຈາກ ຄຸນນະພາບທີ່ດີເລີຍແລ້ວຍັງໄດ້ຮັບການອອກແບບໃຫ້ມີຂະໜາດນ້ອຍ ກະທັດຮັດພົກພາສະດວກງ່າຍຕໍ່ການນຳໃສ່ກະ ເປົ໋າຂອງທ່ານໄປທຸກສະຖານທີ່ຕົວກ້ອງມີຂະໜາດ 108.6X 66.5 X 32.3 ມີລີແມັດ ບາງກວ່າກ້ອງ DSLR ເຖິງ 59% ແລະ ນ້ໍາໜັກເບົາພຽງ 262 ກຣາມເທົ່ານັ້ນ ເບົາກວ່າກ້ອງ DSLR ເຖິງ 50%.
ເລືອກສີທີ່ຖືກໃຈເຂົ້າກັບການນໍາໃຊ້ທີ່ເປັນຕົວທ່ານ: ອອກ ແບບການໃຊ້ວຽກທີ່ເປັນຕົວທ່ານໄດ້ ດ້ວຍ EOS M ທີ່ມີໃຫ້ເລືອກເຖິງ 4 ສີ ໄດ້ແກ່ Top Grade Black, Metallic Silver, Twotone White ແລະ Glossy Red.
ໝົດສະໄໝຂອງການຖ່າຍພາບທີ່ຫຍຸ້ງຍາກອີກຕໍ່ໄປຕ້ອງຂອບໃຈ Canon EOS M ທີ່ຊ່ວຍໃຫ້ການຖ່າຍພາບນັ້ນງ່າຍຂຶ້ນໃຫ້ຄໍານິຍາມຂອງກ້ອງປ່ຽນ ເລນສ໌ ໄດ້ບໍ່ຖືກຈໍາກັດ ດ້ວຍຮູບລັກສະນະ ແລະ ຄຸນນະພາບຂອງພາບເຖິງເວລາແລ້ວທີ່ເຮົາຈະປົດປ່ອຍທຸກຂໍ້ຈໍາກັດໃຫ້ ເປັນອິດສະຫຼະ ແລະ ເດີນຫນ້າໄປໃນໂລກຂອງການຖ່າຍພາບດ້ວຍກັນກັບ Canon EOS M.
