ສາລີເປັນພືດອາຍຸສັ້ນໃຊ້ເວລາປູກປະມານ 45-50 ວັນ ກໍ່ສາມາດເກັບກ່ຽວໄດ້ມີເຕັກ ນິກການປູກທີ່ບໍ່ຫຍຸ້ງຍາກ, ບໍ່ຈຳເປັນໃຊ້ສານເຄມີໃນການກຳຈັດສັດຕູພືດເຮັດໃຫ້ມີຄວາມປອດໄພຕໍ່ສຸຂະພາບສາມາດປູກໄດ້ທົ່ວທຸກພາກຂອງ ປະເທດ ແລະ ປູກໄດ້ຕໍ່ເນື່ອງຕະຫລອດປີຖ້າມີການຕອບສະຫນອງນ້ຳໄດ້ຢ່າງພຽງພໍຕະຫລອດລະດູການປູກ.
ວິທີການປູກ: ການປູກ ມີ 2 ວິທີຄື:
- ປູກແບບແຖວດຽວ: ໃຊ້ໄລຍະ 75x30 ຊັງຕີແມັດ ຈຳນວນ 23 ຕົ້ນຕໍ່ຂຸມ.
- ປູກແບບແຖວຄູ່: ໃຊ້ໄລຍະຫ່າງລະຫວ່າງແຖວ 120 ຊັງຕີແມັດ ໂດຍຍົກຮ່ອງແລ້ວປູກຂ້າງຮ່ອງທັງສອງຂ້າງໂດຍປູກລະຫວ່າງ 30 ຊັງຕີແມັດ ຈຳນວນ 23 ຕົ້ນຕໍ່ຂຸມ.
ແຕ່ກ່ອນຈະປູກຄວນມີການໄຖດິນກ່ອນໂດຍໄຖ ແລະ ຕາກດິນໄວ້ 7 ມື້ ແລ້ວໄຖຄົນປະໄວ້ອີກ 35 ມື້ ປັບຫນ້າດິນໃຫ້ສະເຫມີເກັບເສດວັດສະພືດອອກຈາກແປງໃຫ້ຫມົດ (ຖ້າເປັນດິນນາທີ່ເປັນດິນຫນຽວຄວນໃສ່ຝຸ່ນຫມັກ ຫລື ຝຸ່ນຄອກ ເພື່ອເພີ່ມທາດອາຫານໃນດິນໃນອັດຕາ 23 ໂຕນຕໍ່ໄລ່ໂດຍຫວ່ານແລ້ວພວນດິນ).
ສຳລັບວິທີການປູກ:-
- ຢອດເມັດ 23 ເມັດຕໍ່ຂຸມ ດ້ວຍອັດຕາການປູກສະເລ່ຍ 5 ກິໂລຕໍ່ໄລ່.
- ສາລີພາຍຫລັງປູກແລ້ວຍັງຕ້ອງການໃຫ້ມີການບົວລະບັດຮັກສາເຊັ່ນ:
ການຫົດນ້ຳ:
ໃຫ້ນ້ຳຢ່າງສະຫມ່ຳສະເຫມີໂດຍໃຫ້ທັນທີຫລັງປູກ ແລະ ຫລັງຈາກໃສ່ຝຸ່ນແຕ່ລະໄລຍະ ໄລຍະທຳອິດນັບຈາກມື້ປູກຮອດ 10ມື້, ກໍລະນີໃຫ້ນ້ຳຕາມຮ່ອງໃນດິນຫນຽວຄວນໃຫນ້ຳທຸກອາທິດແຕ່ສິ່ງຫນຶ່ງທີ່ຄວນຫລີກເວັ້ນບໍ່ໄດ້ຄື: ຢ່າປ່ອຍໃຫ້ນ້ຳຖ້ວມຂັງໃນແປງເກີນ 24ຊົ່ວໂມງ ອາດຈະເຮັດໃຫ້ຜົນຜະລິດຫລຸດລົງ ຫລື ອາດຕາຍໄດ້ ແລະ ຄວນພັກໄລຍະການໃຫ້ນ້ຳຕາມສົມຄວນເມື່ອສາລີສົມບູນແລ້ວແຕ່ຢ່າປ່ອຍໃຫ້ລຳຕົ້ນສາລີຫ່ຽວແຫ້ງ (ຖ້າສັງເກດເຫັນຕົ້ນສາລີຫ່ຽວຄວນໃຫ້ນຳທັນທີ).
ການໃສ່ຝຸ່ນ:
ຄັ້ງທີ 1: ຮອງພື້ນກ່ອນຢອດເມັດດ້ວຍຝຸ່ນເຄມີສູດ 151515ອັດຕາ 50ກິໂລຕໍ່ໄລ່ ຫລື ຝຸ່ນ 16--20-0ອັດຕາ 40-45ກິໂລຕໍ່ໄລ່ ຫລື ຝຸ່ນ 20-10-10ອັດຕາ 75ກິໂລຕໍ່ໄລ່.
ຄັ້ງທີ 2: ເມື່ອສາລີມີ ອາຍຸ 15-25ວັນ ໃສ່ຝຸ່ນ ເຄມີສູດ 46-0-0ອັດຕາ 25ກິ ໂລຕໍ່ໄລ່ ໂດຍໂຮຍຂ້າງຕົ້ນແລ້ວພວນດິນຖົມຝຸ່ນ.
ຄັ້ງທີ 3: ເມື່ອສາລີອາຍຸ 35-40ວັນ (ກ່ອນຖອດຍອດ) ໃສ່ຝຸ່ນເຄມີສູດ 46-0-0ອັດຕາ 25ກິໂລຕໍ່ໄລ່.
ການຖອດຍອດ: ເມື່ອສາລີ ເລີ່ມອອກຊໍ່ດອກໂຕຜູ້ ຫລື ດອກ ຫົວໃຫ້ຖອດດອກໂຕຜູ້ຖິ້ມ (ພາຍຫລັງປູກແລ້ວ 45 ວັນ)
ການປ້ອງກັນກຳຈັດວັດສະພືດ:
ວັດສະພືດ:
ໄຖດິນ 1-2ຄັ້ງ ກ່ອນປູກ ແລະ ຕາກດິນໃຫ້ແຫ້ງປະໄວ້ 5-7ມື້ ແລ້ວ ເກັບວັດສະພືດອອກຈາກແປງ.
ໃຊ້ແຮງງານຄົນ ຫລື ເຄື່ອງຈັກກຳຈັດວັດສະພືດລະຫວ່າງແຖວປູກ ແລະ ພວນດິນຫລັງການໃສ່ຝຸ່ນເຄມີເມື່ອ ສາລີອາຍຸ 20-25ມື້.
ພະຍາດ: ສ່ວນໃຫຍ່ການປູກສາລີແອ້ແມ່ນບໍ່ມີບັນຫາເລື່ອງພະຍາດແຕ່ຖ້າມີກໍ່ບໍ່ຫລາຍສ່ວນຫລາຍໄດ້ແກ່ພະ ຍາດລານ້ຳຄ້າງໂດຍພົບເຫັນການລະບາດໃນໄລຍະລະດູຝົນປະມານເດືອນພຶດສະພາຈົນເຖິງຫມົດລະດູການເຊິ່ງສາມາດປ້ອງກັນໄດ້ໂດຍໃຊ້ເມັດພັນທີ່ມີການປະສົມເຄມີແລ້ວ ຫລື ກໍລະນີຖ້າພົບຕົ້ນທີ່ເປັນພະຍາດໃຫ້ຖອນ ແລະ ທຳລາຍຖິ້ມ.
ການເກັບກ່ຽວ:
ໄລຍະການເກັບກ່ຽວທີ່ ເຫມາະສົມສາລີແອ້ມີອາຍຸ 45-50 ມື້ ຫລັງຈາກງອກ ຫລື 5-10 ວັນ ຫລັງຈາກຖອດຍອດຖິ້ມ.
ເກັບເມື່ອຝັກມີໄຫມພົ້ນຍາວອອກປະມານ 1-2ຊັງຕີແມັດ (1ຂໍ້ມື)
ຕັດ ຫລື ຫັກໃຫ້ເຖິງບໍລິເວນກ້ານຝັກທີ່ຕິດລຳຕົ້ນລະວັງບໍ່ຝັກ ຫລື ສ່ວນປາຍຝັກເກີດເສຍຫາຍ
ເກັບກ່ຽວໄດ້ທຸກວັນພາຍ ໃນ 7-10ມື້.
ຫລັງຈາກເກັບແລ້ວໃຫ້ເອົາຝັກສາລີແອ້ເຂົ້າບ່ອນຮົ່ມທີ່ມີອາກາດຖ່າຍເທດີບໍ່ໃຫ້ຖືກແສງແດດໂດຍກົງ
ເວລາຂົນສົ່ງບໍ່ຄວນກອງຝັກສາລີໃສ່ລົດໂດຍກົງຄວນຫາ ຜ້າປູ ຫລື ໃສ່ເປົາ.
ໃຫ້ຕັດຕົ້ນ ແລະ ເສດເຫລືອຂອງສາລີແອ້ ແລະ ຂົນຍ້າຍໄປໄວ້ນອກແປງເພື່ອເປັນອາຫານຂອງສັດ.